من طرف amal
زي البصل كلهم روس
كل فولة منقورة والها كيال اعور
كل شيء بتزرعه بتقلعه الا ابن ادم بتزرعه بقلعك
لو بدا تشتي غيمت
الي ما بيطول العريشي بيقول عناقيدها حصرم
الي بيخلط حالو مع النخاله بتاكلو الدجاج
ان كان حبيبك بصل لا تاكلو غير رص
الطويل بياكل تين والقصير بيموت حزين
منضرب هالحجر بهالجوزة ان وقع جوز اكلتا
يوم كان بكرمي دبس يا كثرة احبابي ويوم صار كرمي يبس يا قلة اصحابي
نزل الفلاح عالمدينة ما استحلى غير الدبس بالطحينة
عحجة الورد بيشرب العليق
كلها عجر ولا غيرك ياكلها مستويه
خلص عنبك وتينك كل الناس عدوينك
الي بيغربل الناس بينخلوه
الي بيدخل الطاحون بيطلع مطحون
ازرع ولا تقلع
التلم الاعوج من الثور الكبير
ازرع تحصد
لا تقول فول ليصير فالعدول
سنة الزرزور احرث البور
سوس الخشب منه وفيه
سنة القطا بيع الغطا
الزلمه بلا كذب مثل الدالية بلا عنب
زوان بلادنا ولا قمح الغريب
الرمان بيملي القلب ايمان
افلح ارضك واستر عرضك
يا داخل بين البصله وقرتها ما بينوب غير ريحتها
البطن بستان بيجيب اشكال والوان
الاباء يأكلوم الحصرم والابناء يضرسوا
طلع من المولد بلا حمص
سيط كبير وفت شعير
ضرب الحبيب مثل اكل الزبيب
مكتوب عورق الغار الي بيسهر بالليل بينام بالنهار
من كيس غيرك يا مذري ذري
تراب العمل ولا زعفران البطاله
كانون كفى في بيتك كثر ملحك وزيتك
العز للرز والبرغل شنق حاله
اذا كانون جاك ولع كانونك قبل عشاك
اذا غطغطت عشيه شفلك قرنه دفية
غيم شباط ما عليه رباط
اذار الهدار ابو الزلازل والامطار بغرق الراعي وبينشف بلا نار
في سعد السعود يدفأ كل مبرود
بشهر نيسان بيفتح الزهر الوان
في شهر ايار تعشش الاطيار
في 10 اب الصيف غاب
اكلة التين بتشرين
من كتاب تقاليد من تراث بني معروف
من طرف القيصر
حلو امال اني اول مرة بسمعن حلوين كثير
يعطيكي العافي
يعطيكي العافي
من طرف كنار
حلوين كتتييير
يسلمو ايديكي خيتا
يسلمو ايديكي خيتا
من طرف نور بني معروف
الامثال احد اقسام تراثنا
يسلمو ايديكي
يسلمو ايديكي
من طرف بنت الجرمق
اذا غطغطت عشيه شفلك قرنه دفية
وفي كمان:
"اذا غطغطت من باكر احمل عصاك وسافر"
امثال جميله وقيّمة, رغم دلالة بعضها عالخبث والطمع والبخل
بس بتضلها امثال شعبية وصريحة ومن المهم جدا معرفتها وتناقلها لانها جزء لا يتجزّء من تراثنا الغني..
يعطيكي العافية امال..
وفي كمان:
"اذا غطغطت من باكر احمل عصاك وسافر"
امثال جميله وقيّمة, رغم دلالة بعضها عالخبث والطمع والبخل
بس بتضلها امثال شعبية وصريحة ومن المهم جدا معرفتها وتناقلها لانها جزء لا يتجزّء من تراثنا الغني..يعطيكي العافية امال..
من طرف يمامه
شو امال شكلك مستغليتلي امي وعمتاخذي امثاله
بطلت اخليها تنزل لعندكو هههههه...
في الوجه مراي وفي القفا مذراي..
ها من امي كمان هههههه..
بطلت اخليها تنزل لعندكو هههههه...
في الوجه مراي وفي القفا مذراي..
ها من امي كمان هههههه..
من طرف nasiba
يعطيكي العافيي قلبي حلوين
من طرف نور
هو تراثنا وعاداتنا وتقاليدنا
حكي اجدادنا وحكايات ستاتنا ...
مجرد سماعنا لها الامثال بيتدفق فينا
الشوق لكل لحظه لماضيهن يللي جسدتيه
بكتابة هالموضوع....
رائع..يسلم دياتك
حكي اجدادنا وحكايات ستاتنا ...
مجرد سماعنا لها الامثال بيتدفق فينا
الشوق لكل لحظه لماضيهن يللي جسدتيه
بكتابة هالموضوع....
رائع..يسلم دياتك
من طرف محتوى إعلاني
