افتح القائمة الرئيسية
ويكي_الاقتباس ابحث
عدلراقب هذه الصفحةاقرأ بلغة أخرى
أمثال تونسية
Wikipedia logo اقرأ عن ثقافة تونس. في ويكيبيديا، الموسوعة الحرة
هذه قائمة ببعض الأمثال الشعبية التونسية مرتبة ترتيباً أبجدياً.
حسب الحروف: أ · ب · ت · ث · ج · خ · ح · د · ذ · ر · ز · س · ش · ص · ض · ط · ظ · ع · غ · ف · ق · ك · ل · م · ن · هـ · و · ي
أ عدل
أرنب تكر على حلوف
أسمع كلام اللي يبكيك وماتسمعش كلام اللي يضحكك (أو خوذ الراي اللي...)
أعمِلْ الخير وارمي في البحر
أعملْ الخير وأنساه واعْمل الشّر وتفكره
أعمِلْ الفرض وانقب الأرض
أعمِلْ كيف جارك وإلا حول باب دارك
أعمل يا خصيب تصيب ما تجيكش في البقرة تجيك في الحليب ( يقصد بها القول ان من يعمل شرا حتى ان لم يصبه يصب اعز الناس اليه)
أخطى رأسي واضرب (معناها تفادى رأسي ولا بأس ان تضرب غيري)
أضرب القطوسة، تتربى العروسة
الأعمى كيف يرجع يشوف، يلوح العصا الي مشّاته
أطول من ليالي الشتاء (للتعبير عن طول الحديث)
أولنا صغار و آخرنا صغار
أحييني اليوم واقتلني غدوه
إ عدل
الصبّاط باللهجة التونسية يعني الحذاء. في الصورة، أحذية تقليدية تونسية من سوق البلاغجية.
إبني وعلّي وموت وخلّي
إللّي كلا و حلَى كيف إللّي بنى وعلَى
إللّي برجو بالمرمة يموت في سطل بغلي
إللّي تحرق من الشربة يولي ينفخ على السلاطة
إللّي تشكي لو يبكي لك
إللّي تلمدو النمالة في عام ايهزو الفيل في عفسة
إللّي تلمّو النمّـــــالة في عــــام يطبّو الجمـــل فرد فم
إللّي تلمّو النمالة في عام ياكلو الجمل في فم
إللّي جابتّو ساقيه العصا ليه
إللّي حبّك حبو ما تفرطشي فيه...واللي بيعك بيعو وما تسألشي عليه
إللّي خاف نجى
إللّي خلّى النْباتْ، ما مات
إللّي والفْ بالحْفى، ينسى صبّاطو (من يعتاد المشي حفياً على الأقدام، ينسى حذائه)
إللي ما تقدرش ترجعو عدو (إن لم تستطع إرجاع الخير لمن أحسن إليك، أذكره دائما).
إللّي يبيعك بالفول، بيعو بالقشور
إللّي يتبع الحمام الجالي يروّح للمغاغر (يطلق هذا المثل على من يختلط باصحاب السوء)
إللّي يتبع خطوة الحمام ينسى خطوتو (معناه من يحاول تغيير طباعه ينسى طباعه الاصلية ولا يتعلم الجديدة)
إللّي يسرق يغلب الي يحاحي
إللّي يعْرف عِزَو كلام الناس ما يهزو
إللّي يعمل الخير ما يْشاورْش (يعني إذا شخص أراد أن يساعد أحدهم لا يستأذن منه)
إللّي ما فيه قلب يْموت سْمين مْعشعش
إللّي ما قْرا ما دْرَى وإلّي ما تجوّل ما رَا
إللّي يحسب وحدو يفضلو
إللّي يعطي سلاحو يْموت بيه
إللّي ضاع صبحو ضاع ربحو
إللّي عطا كلمتو عطا رقبتو
إللّي في القدر يجيبه المغرف
إللّي في القلب في القلب
إللّي فيه طبة عمرها ما تتخبي
إللّي كلاته العنز جداري يطلع على ظهرها دباغ
إللّي ليك ليك واللي خاطيك خاطيك
إللّي ما يطولش اللية ايقول منتنا هيا
إللّي ما شافش المرمة ما يعرفش اش فما
إللّي ما شاف لا عرس ولا مرمّة ما يعرفش الدنيا وما فمّه
إللّي ما هزوش قبره يرقد فوق منه
إللّي ما يسمعش كلام كبيره الهم تدبيره
إلّي ما يشبع من القصعة ما يشبع من لحيسها
إللّي ما يلحقش النخلة يقــــول سيــــش
إللّي ماهوش مستانس بالبخور تتحرق حوايجوا
إللّي مغطي بمتاع الناس عريان
إللّي وجهها يفجعها رزق بوها ينفعها
إللّي يبيعك بالفول بيع بالقشور
إللّي يحب الكل يخلي الكل
إللّي يحب الللو يسهر الليل بكله (مثل المثل العربي: من طلب العلى سهر اليالي)
إللّي يدير روحه كدوة يتحمل رقيص الجديان
إللّي يعطي سلاحه يموت به
إللّي يعطيك حبل كتفه به
إللّي سمّاك غناك
إللّي ما يفديش الثار بوه حمار
إللّي ما ضنى ما درى
إللّي شاهي شهوة يديرها في عشاه
إذا عييت إحسب روحك كيف بديت
إذا تحب تعلّم ولدك الكلام، حطّه صانع حجّام (أو إذا تحب تعلّم ولدك الكلام خدمو قهواجي و الا حجام)
إذا كان الدّواء مرْ، الدّاء أمرْ
إذا كان المتكلّم مهبول، يكون السّامع عاقل
إذا كان المهبول يأكل ويبة، العاقل ما يعطيهالو
إذا كان خصيمكْ القاضي لشكون بشْ تشكي يا مغبون
إذا كان وليدكم إضربْ وليدنا، هكّا حال الصّغار، وإذا كان وليدنا ضرب وليدكمْ، يشومْ النهار
إذا فاتك الكلام قول سمعت وإذا فاتك الطعام قول شبعت.
إذا كان الكلام من فضّة، السّكات من ذهب
إذا كان النويح بالطلْبة *** لا ترحم من مات
إذا كان ذيل الكلب ينجيك من الغرق اش عليك في نتونته/كان ذيل الكلب يعديك الواد ما يهمك نتونتو
إذا بكِيتْ، إبْكِي احْذا المهمومْ، وإذا غنّيتْ، غنِّي احْذا المغروم
إذا كان الفطور طبيخة يجي الدرك على الطماطم
إذا كبر ولْدك خاويه
إذا لقيت الزهو والطرب لا تبدله لا بشقا ولا بتعب
إذا ما يحطّــــب يقشقـــــــش
إذا نصحك التاجر راهو شطر النصيحة ليه
إذا وكلت شبّع، وإذا ضربت وجّع
إذا غاب عليك اصله أنظر أفعاله
إذا قدرلك ربي الشفا يجيك الطبيب لباب الدار/إذا ربي معجلك الشفا يعرض لك الطبيب في الثنية
إذا دزوك وطحت احسب روحك تتزرزح
إذا طاح القدر وفات العشرة (أو العيشة)
إذا كان في الخدمة صلاح، في الفراغ فساد
إذا وكّلت شبّع واذا ضربت وجع
إش يا ذبانة ما فمة في الدنيا كان انا ( تقال على الغرور)
الربيع ربّع واللبن قراس، وإلّي عنده صبية يزوجها لترّاس.
إجبد ما ترُدْ, الجبال تتهد
إجبدني نعصر بدني
إحسبني كي خوك وحاسبني كى عدوك
إمشي بالنية وأرقد في الثنية
إسأل على صاحبك إستغناش أما الطبيعة هي هي
إسأل مجرب ولا تسأل طبيب
إستنا يا دجاجة حتى يجيك القمح من باجة
إسمع كلام مرتك وخالف رايها
إضحك للدنيا تضحكلك
إخدم بصوردي وحاسب البطال
إطعم الفم تستحى العين
إمشي صحيح لا تتدرع لا تطيح
إللّي ما يشبع من القصعة ما يشبع من لحيسها
إللّي ما تعرفش تغسل الدوارة ماخذتها في ولد الناس خسارة وإلي ما يعرفش الذبيحة والسليخة ماخذته في بنت الناس فضيحة
إللّي ترحيه مباركة يسفه خرقها
إللّي عنده ولاد ما يعضم على السراق و إلي عنده البنات ما يعضم على الزانيات
إذا تقصد، أقصد دار كبيرة إذا ما تتعشى تبات في الدفاء
إللّي تربات على يدين الرجال ما يغرها لا زين لا مال
إللّي حاجتو بيك يعمل في البحر ثنيّة
إللّي يركب على البهيم يحمل بصو
إللّي مستدعي في نهارو يقعد في دارو
إللّي يريدك ريده، واللّي يبغظك زيده
إللّي يختار يبات في العار
إللّي يولد يربي
إللّي ما خلاولو جدودو تتهرّى جلودو
إللّي تراه راكب فركه (أو قصبه) قلو مبروك الحصان
إللّي ما يشقى ما يلقى
إللّي تخدمو طيعو واللي ترهنو بيعو
إللّي يخالط المسعدين يسعد
إلّلي ما تعرفش تشطح اتقول الارض عوجة
إلّلي ما يدري يقول سبول
إللي عندو خير م اللي ما عندوش
إللي اعطاه البي حصان يركب ويدلدل رجليه
إللي يعمل عليك يبات بلا عشي (يقال لمن لا يفي بوعده)
إذا خذِيتْ بنت عَمِّكْ تْزِينِكْ
ا عدل
حنضل (حنضلة باللهجة التونسية)
العار أطول من الأعمار
الحنضلة ما تولي تفاحة والخرشي ما تبان فيه ملاحة (معناه الشخص ذو الطباع السيئة مهما تصرفت معه برقي لا ينفع معه)
الباي باي حتى في شكارة (معناه مهما ساءت أحوال الإنسان ذو الهمة العالية والأنفة، يبقى دوما عزيزا)
البهيم تبدل والكرَيطة هي هي (الكريطة تعني العربة)
البقرة كي تطيح تكثر سكاكينها (أو كيف تطيح البقرة...)
البل (الإبل) تتبع كبارها
الجمل مايراش كربته يرا كربة غيرو ( معناها الجمل لا يرى حدبته ويرى حدبة غيره من الجمال, يقصد بها أن الشخص لا يرى عيوبه لكن يرى عيوب غيره)
المتنقلة مذبالة ولو تكون عروقها في الماء
المحبّة ما نحبّك والصّبر ما نصبر عليك
العروسة طويلة والباب قصير
النُخالة ما تصير دقيق والعدو ما يصير صديق
النّاس تعرف النّاس والخيل تعرف ركّابها
الربيع ربّع واللبن قراص واللي عنده صبية يعطيها لتراس (رجل مفعم بالرجولة)
الصيف ضيف
الصيف بو فقير، ولو كانت عنده أم لبكت عليه
الدفا عفا ولو بعز الصيف
اللي عنده كسوة ما يبيعها، برد تونس في ربيعها
اللي يجيبه الخريف، يديه الشتا
اللحم كي ينتن، ما ليه كان أماليه
النفخة والمبات في السبخة (يعني الغرور على لا شيء)
العظمة ما تقول طق كان ما فيها شق
العظمة (البيضة بالعربية الفصحى) ما تقول طق كان كي فيها شق
الشكارة والبحر
الشنقة مع الجماعة خلاعة
البخت مايل و الزهر ماعندي الي نزرعو تفاح يطلعلي هندي
الفرزيط يزمّر والنميله تعمّر
الفهيم من غمزه والبهيم من همزه.
الفلوس تحيي النفوس... وتطهّر المنجوس... وترد الشّايب عروس
الفلوس ترد البعابص روس
الفم المغلوق ما تدخله ذبّانة
الحركة بركة والبطالة هلكة
الكِلْمة الوجَّاعة نفَّاعة
القمح يدور، يدور ويرجع إلى قلب الرحى
الشّفايِفْ تْبوسْ، والقلوبْ فيها السُّوسْ
الزغاريد أكثر من الكسكسي
الشيب والعيب
الصحبة صحبة والنية ما فماش
الماء الماشي للسدرة، الزيتونة أولى به
الصوف يتباع بالرزانة
الطماع يبات ساري
الطمع و قطعان الرقبة متحاذيين
الطول والخسارة كي سلوم النصارى
الطول صابة والعقل عجرودة
العزوزة هاززها الواد وهي تقول العام صابة
العز بعد الوالدين حرام
الغيرة تذهب الشيرة
الماء اللي ماشي للسدرة الكرمة أولي به
المخنوقة ضحكت على المذبوحة ياخي المصموطة ماتت بالضحك
المجراب تهمزه مرافقه
الناس من الناس. والناس أجناس:
ناس فضة وناس نحاس. ناس ذهب وناس الماس. ناس كيف التاج فوق الرأس وناس تحت الساقين تنداس ناس كيف الملائكة. وناس كيف الوسواس الخناس ناس تتباس وناس تستاهل الضرب بالمهراس
الزلقة بفلقة
الله لا تقطعلنا عادة
الله لا يجعلنا جرة
الله لا يشمت فينا عدو
الله لا يحضرنا محاضر سوء
الله لا يشمت فينا أعدا (أعداء)
الله لا يرخصلنا فريسة (الفريسة هنا هي الجسد)
الله لا يكشف علينا حال
الله لا يدور علينا زمان (أعوذ بالله من غدر الزمان)
الله لا يرد فاس على هراوة (العصا الغليظة)
الله يطيح بنا من يرفق بنا
الله يلهينا بحوايجنا
الله يلهينا برواحهنا (أنفسنا)
الله يكف يدينا على ما يذينا (يؤذينا)
الله يكفنا م الدين ودعاء الوالدين
الله لا يثقللنا عظام (الظل الثقيل أو الثقل في الحركة عند التقدم في السن)
الله وعباد في كل بلاد
الله يرحم من قرا وورى (من درس و علم)
الله يرحم من ولد وربى (أنجب وربى)
الله يسمعنا على بعضنا علم الخير
الله يعرفنا باللي خير منا
الإسم العالي والمربط الخالي
الكثرة وقلّة البركة
الكلب كلب و كان يغطسوه في الذهب
المليح يبطا
القرد في عين امه غزال
البغل تبدل والكريطة هي هي
إسئل على صاحبك استغناش، أما الطبيعة هي هيا
الزمان تعكس الورد تقلع والبصل تغرس
الجرح يبرى يا صبرة و تغطيه الضميدة و كلمة السوء تمسّي وتصبح جديدة.
المتغطي بمتاع الناس عريان
اللي متعدي على زرع الناس حط زرعة في الثنية
اللي يقصد يقصد دار كبيرة
اللي يقصد يقصد باب ربي
اللي يعشق يعشق السمح و الي يزرع يزرع القمح
الجمل هازز الحمل و القراد ينين
الجنازة حامية والميت كلب
اللوم بعد القضاء بدعة
المرا يخطبوها ألف وتبات عند واحد
العمشاء في دار العميان للات لعيون
اللسان الزين مدفوع في الدين
البلدي بلدي ولو كان زيت ودردي
الضحكة تجي عند راس الميت
اليتيم يتيم الأم
اليد الحارة تتباس
الهامل هامل لو كان يلبس من الذهب فرامل
الميّت ما يقوم، والصاحب ما يدوم، وقليلْ الأصل ما عليه لُومْ
الحر من غمزة والبهيم من همزة
العم عماني والخال خلاني والبو شق السبع بحور وجاني
المال يخلف لهبال
الضيف ضيف لو كان يقعد شتى وصيف
الزمان يوري واللي خانها زينها تعري واللي خانته رجولته يتبع الذري
الحنة في الأقدام والسعد لقدام
الحنا حرشا،و الحنانة عمشا،والعروسة طرشا
الحالة حالة مساكين، و النفس نفس سلاطين
الدقلة دقلة والعليق عليق
الشتاء شدة والربيع منام والصيف ضيف والخريف هو العام
اللي يجيبه الخريف، يديه (يفتكه) الشتاء
الفلوس تغدى ( تضيع) والرجال تجيبها
الزين في العقل، الي حاشته بالطول يلقاه في النخل والي حاشته بالهبرة يلقاه في البڨرة
الوجه إلي تحشم به قابل به
الفقر والفرعنة
العجة سبب الهجة
الفم يبوس والقلب فيه السوس
الباهي باهي كان يقوم من النوم والمشوم مشوم كان يعوم كل يوم
العظمة ما تقول تَقْ إلا ما فيها شَقْ
البوسة تشيح والغمزة يهزها الريح أما الفائدة في الضرب الصحيح
الفم ما يقول لا والقضية ما تتقضى
الفرطاسة تتفزعك بشعر لوزتها
الحمام المكسور يرسي على القصر الخالي
اشرب ولا طير قرنك
الرجال تكسب وال***** تحسب
الذهب يرق يرق وما يتقطعش
الباهي أصله يرجع عليه والخائب تتنحى له الزينة ويظهر الصديد اللي فيه
الرجلة بحر والعوامة قلال
ارقد يا حايرة و اطمان مازالوا قوايل الرمان
المغروم يجدد والبراني على برة
اللي ماعندو فلوس لا يعنق لا يبوس لا يشم ريحة الحرقوس
الرخ لا (لا للتقاعس في العمل)
اللي معاه ربي ما يغلاب
الصحبة موش بالكثرة لكن بشكون تلقى وقت الغصرة (وقت الشدة)
انت كيسك معمر وانا ذراعي مشمر
الحرث المغشوش خطوطو خسارة
العرس في باجة وأهل جندوبة تصفق
الدهر والزمان ما فيهمش أمان (أو الرجال والزمان...)
النفخة للجيفة (يقال لمن يتباهى بما عنده)
اكتب على الحوت وسيب في البحر (يقال لوعد زائف)
الصّبر كتّه و القلق مضرّه, و ما يصير حلو كان بعد المرّه
البهيم القصير اللي يواتي ينقز عليه
الرجل الخفيفة تستاهل القص
الثنية طويلة والعبيد مشاي
الثنية طويلة والبغل هرقال
اخسر وفارق وقول ملا راحة
العشق بعد الستين كيف المشي في الطين
البومة كان جا فيها خير ما يتلفوهاش الصيادة
الليل للنعاس والنهار للدراس
الليل بوذيناتو والنهار بعويناتو
الخلطة بلطة والجرب يعدي
الاخوة كيف الردا زينه بلاش دفا
الدار دار بونا والناس يعايرونا
اسال على دينك حتى يقولو مهبول
اعطيناكم الفخار، أعطونا الصلاح
الجمل كان يرا حدبتو تتقطع رقبتو ودقه في جنب غيرو كنها في حيط
الخطوة تدل على المسير والبعرة تدل على البعير
الباب اللي يجيك منو الريح سدو واستريح
اليد ما تقاومش الملزمة
الدوام يذوب الرخام
الاستمرار يملّك
الواحد مصارنو في ايدو ولاخر يقولو هات شوية للقطوسة
البهيم كي يطيح يعمل فيها يتمرغ
الدنيا يومين يوم لك ويوم عليك
العبد في التفكير والرب في التدبير
الصوم بلا صلاه كالراعى بلا عصاه
أطعّم البهيم الزبدة و شوفو يطعمهاش
المراه المراقه مرزاقه قتلوا بخلاف الي في الطاقه
الحجرة ما تذوب والي فيه طبة ما يتوب
البهيم بهيمي و نعرف تنهيقو
الدار داركم والعشا مالسوق
الثّقه و الأمان تدخّلك لدار السّلطان
ابعد على دمك لا يشوهك
الطبيب الزقلي قتلو صانعو
العوج يزوك منو البقر
الخو بخوه والعدو بعدوه
الواحد قد ما يعيش يتعلم
اليد في القصعة والعين في اللسعة
العياط ع الترد والماكلة على الزرزور
الدار بلا صغير كيف الجابية بلا بير
الوسادة تغلب الولادة
السلفة سلوفة، و الحماة كلبة حلوفة. و اللوز مر، كسر و ارم في الحفر.
المسلوخة تضحك على المذبوحة والمشوية تضحك عليهم الزوز
السخطة عامة والرحمة خاصة
المكتوب على الجبين لازم تراه العين
الثار يمحي العار
ابعد ع الشر/البلا و غنيلو
ابك على البقره أمّ الثّور حرّاث
الطويلة تقضي حاجتها والقصيرة تنادي جارتها
الدنيا كيف دار البرقادي، ادخل منا اخرج من غادي
اعمل الخير تلقى الخير
النعجة تتفوخر بليّة العلوش
الزّبدة لزبيدة و الخ*ا لعبيدة
آ عدل
آش يخرج لعروسة من دار بوها
آش ايقول الميت قدام غاسلو
آش تعمل يا عمايلك
آش كون إيقول للصيد فمك أبخر
آش كون شكار العروسة أمها وخالاتها
آش لــزّك حـــتّى الواد يهــــــزّك
آش يشبّــــــــــع الجمــــل من الدفــــــاف
آشكون امشى للقبر وجاب الخبر
آش مدخل بسم لله في عشانا
آش لز حمه يغني
آش مقعدك مع النخالة حتى يبربشك الدجاج
ب عدل
محمد الصادق باي - لقب «الباي» لقب تركي يعني وال أو حاكم إقليم أو أمير تابع للإمبراطورية العثمانية.
الباي باي حتى في شكارة ( معناه مهما ساءت احوال الانسان ذو الهمة العالية والانفة يبقى دوما عزيزا)
بَقْرَ الله في زَرْعْ الله
بعد ما شاب هزوه للكتاب (يعني بعد ما اصبح مسن ادخلوه للكتاب للدراسة, يقال المثل عند القيام بالشيء بعد فوات الأوان)
بعد الحسوم بأربعين يوم نحّي كساك وعوم
بوس الكلب من فمو حتى تقضي حاجتك منو
بوسعدية خايف من الكلب و الكلب خايف من بو سعدية
باب النجار محطم
بات على غيظ وما تصبح على ندم
بات مظلوم وما تباتش ظالم
بات ليلة حذا الجران صبح يقرقر (من عاشر قوما صار منهم)
بات ليلة سردوك ولا 10 دجاجة
باش اموالفا يا قديدة .قالت بالملح والشريطة
باش تكرّه روحك يا يتيم، قال بالجهد و المعين ربي
باسها داخ راسها، صلَّى العشاء لقاها نافسة
بعد السيف علّق منجل
بهيم و قدم قرعة
بهيمك النكاس ولا قعدانك للناس
بهيم الشركة يموت مدبار
بولة بلا بصة كي القزرنة بلا عسة
بين اللقمة و الفم يا حاكم إلي حكم (بين اللقمة و الفم ثمه حاكم يحكم)
برد الصيف أحد من السيف
بعد ما كلا و إستهل قال عشانا بالبصل
بساط الصيف واسع
بالوحش مات الجحش
باباي كان زناد وناي ناربعدا، والنار تخلف الرماد ويا شماتت لعدا
بنت العم مفكوكة من الجحفة
ت عدل
تبّع السّارقْ حتى لبابْ الدّارْ
تبني وتعلي، تمشي وتخلي
تبرى الدبرة يا صبرة وتبرى عليها الضميدة، وكلمة السوء يا صبرة كل يوم تصبح جديدة
تبديل السروج فيه راحة
تعطيهم عينيك يطمعوا في حواجبك
تعاركوا الخوات جدت على البهلولات
تعدى على واد هرهار و ما تتعداش على واد ساكت (اي ان تمر من على واد دائم التحرك و الهيجان احسن من ان تمر على واد ساكن لأنه قد يخفي مفاجآت, كناية عن الشخص الدائم السكوت و الغامض و الذي يمكن أن نظن انه مسالم و لكنه يخفي مفاجأت و يكون اعنف و اشر من شخص دائم الكلام)
تاجوراء مارتيش عمر
تعارك الريح و البحر جات الضربة في المراكب
تعارك سعد و مسعود هزو مباركة للحبس
غربالين للدقيق
تعارك مع صاحبو في الشارع روح الى مرتو طلقها
تعيش الكلاب في روس المجانين
تغطي في عين الشمس بالغربال
تغيب السكرة وتحضر المداينية
تعشى وتمشى.
تمشي أيام الحرويدة وتجي أيام النجيح نوادروحصيدة وتناجر مليانة بالعيش (تمشي أيام الفقر وتجي أيام زاهية )
تتخبى تحت جناح الذبّانة و لا توفى في الجبانة
تحت ذبانة ولا في الجبَّانةْ
تزرع تفاحة تطلع هندي (خيبة أمل)
تجمبر كول وقمبر (من شدّة قسوة البرد في فترة قرة العنز، كان النّاس في القدم يجمعون العولة من البقول الجافة و الكسكسي ومستلزمات أخرى يحتاجونها في البيت)
ث
ج
ح
خ
د
ذ
ر
ز
س
ش
ص
ض
ط
ظ
ع
غ
ف
ق
ك
ل
م
ن
هـ
و
ي
أنظر أيضاً
وصلات خارجية
آخر تعديل لهذه الصفحة قامت به Emnamizouni منذ 2 أيام
ويكي_الاقتباس
المحتوى متاح وفق CC BY-SA 3.0 إن لم يرد خلاف ذلك.
الخصوصيةسطح المكتب
ليست هناك تعليقات:
إرسال تعليق