أمثال ليبية لهل حكمة!!!!!!!! تعلموا منها
أمثال عامةو كان دمع العين يحي الميت نوقف علي شط البحر ونعيط
المنسي ما فيش خير
تعاركو الارياح جى الكيد ع الصارى
مركب فيها زوز رياس تغرق
مات البحر وصلى عليه الحوت
حوت ياكل حوت وقليل الجهد يموت
نسمة من قراجيم الحوت
شنو حالك يا بركة
والله عامنول يمشى والسنى يمرد
يا بوى خوذلى مرا === كان دام هالحال حتى امك بنطلقوها
ما هم الا هم السلفة == اما الحماة ماشية منتلفة
شنو حالك ؟== حال الكرموس فى الغرارة
وين عاش مشتاق لبلحة == ولما مات علقوله عرجون
اللى يكثرو فلوسه - تشيان مرته ويضيق حوشه
من قبل يازين ما ابهاه == لا بين سلو عموده
مشية الحصان لفزان
قليل البخت يلقى العظام فى الرية
فلان زى الرية الرطابة وقلة الدهان
خدم التنبال يطلعلك مهندس
شكارة العروسة امها وخالتها و10 من قبيلتها
اطلقها بالعين وتبعها بالجرة
العريس يتعرس والمشوم يتهرس
اطول من ليلة بلا عشى
اللي يكرهك يحلملك المنام الشين
اللي ياكل الحلفه يطلع أحبال
اللي يكرمك بالطعام أكرمه بوكاله
اللي يعرف بوك ما ينعل جدك
اللي قاسمه للجوف اتبات فيه
اللي في عقلك اتخرب أوجابك
اللي عمره بكره ما يموت اليوم
اللي خلق أشداقها ، خلق أرزاقها
بيش تنفخ النار يا لشلم
بعد ما شاب ودوه للكتاب
باع الجمل بما حمل
بره ورده ، وجوه قرده
قالا طحت وألا طيحك الجمال ، قالا وصلت لرض علي كل حال
قالا ياعمي عطيني بلح ، قالا جاك عمك والبلح
قالا جوك النصارى ، قالا ماني معا لسلام من قبل
حاييني اليوم واقتلني بكره
كي مرق الثعلب لا ينجغم لا يسوى عليه
كي لحم الراس اللي مو وذن حنك
كي النخله العوجه نخلها ديما لا بره
كي عكوز العمى مره فالطهاره ومره فالنجاسه
كي أخنيسر الزمار
كي هلال العيد فالسنه مره
كي سيل العشب
كي شوال الحلبه ، ثقيل ومر
كي الفحمه فالتاقزه
بكره تموت يابوجبه ، ونحط علي قبرك قبه
بين حقك وسيبه
بومه في ليد ولا صقر حايم
بعيد السمن علي شوارب الحصاده
بيت الضبع ما يخلا مالعظام
تقرا مزاميرك علي من يا داوود
تبع البومه تشيلك للخرايب
ليست هناك تعليقات:
إرسال تعليق