حرف السين :
ــ السابقة ما تلحق إلا تالي :
أي أن الخيل الاصيل اللي تفوز في السباق تراها ماتلحق وتصير الأوله إلا في آخر السباق . والمقصود أن العبرة بالخواتيم .. وهذا المعنى يشبه (( قدم الغشيم والحقه ))
ــ ساتر الله الغنم بأذنابها :
اذا واحد ماعمره حصل له أي مشكلة أو مصيبة يختير فيها ويعرفون وشلون يتصرف ...
ــ ســاح قراده :
القراد حشرة صغيرة تلصق بجسد الحيوان وخاصة البعير وتعيش على دمه فتؤذيه .. فاذا تخلص منها استانس... يضرب هالمثل للواحد اللي مستاسع صدره أكثر من اللازم بعد أن كان ضايق صدره .
ــ ساعة المحب قصيرة :
الساعة ستين دقيقة لكن تصير ثواني اذا الواحد مستانس وقاعد مع واحد يحبه لكن اذا بلاك الله بواحد دب وثقيل دم ولا تواطنه تصير الدقيقة ساعة .
ــ ساعة من الغــني تغــني :
الكريم سبحانه واذا أمر الله السحاب وأمطر على أي جهة مهما كانت فان هذه اللحظات من أمر الله سبحانه تغني الأرض بالماء .
ــ ساقي يمشي ولا ساقي ياقف :
الساقي : مجرى الماء غي المزرعة ... اذا كان الساقي الماء يمشي معه باستمرار ولو قليل احسن من مجرى لكن ياقف ...وعند العوام يقال : ساقي يمشي ولانهر مقطوع ..
ــ ســباحين ليل :
السبحونه هي القصة أو السالفة بس الغالب أنها تشليخ وأرانب ... مثل مواضيع بعض الناس ... ويضرب المثل لما لايتوقع وقوعه .
ــ ســبيت ماله بيت :
سبيت تصغير (( سبت )) يوم السبت وقيل غير ذلك .. والمقصود الشخص الذي لايستقر في مكان ...
اذا واحد طفران ومستاجر وكل يوم طالع ببيت .. يقال له سبيت ماله بيت .
ــ ســتر عــنز :
العنز مسكينه لها ذنب صغير ومرتفع مايستر عورتها ... ويضرب المثل لمن انكشف أمره وهو يدعي أنه متستر .... مثل بعض .............
ـــ ســرحة جرذي :
الجرذي حيوان مؤذ جدا ... وذكي ومن ذكائه أنه ما يبتعد عن بيته اذا طلع منه . يضرب المثل للي مايبعد ... مثلا واحد طلع بعياله يبون البر ...وتغدوا على الدائري .....
ــ السرق من السارق حــلال :
يعني اذا لقيت حاجتك المسروقة مع السارق وأخذتها بأي وسيلة ولو عن طريق السرقة .. فهذا حلال في نظر العوام ...
ــ سـري به وهو ما يدري :
سري : أي لقد أسري به .. يعني سافروا به ...
اذا واحد ما يدري وين الله حاطه فيه وجا واحد وهك عليه بأي شي ..
ــ ســريع القـرى :
القرى : الطعام .. اذا واحد عازم ناس ومن يوم قلطهم جاب فنجال قهوة .. ثم على طول .. تفضلوا على العشا .... يعني يجيب العشاء بسرعة .... هذا اللي يصلح للعرق ...
ــ ســعيد اخو مبارك :
اذا فيه اثنين يشبهون بعض في الردى ... يقال أن سعيد يشبه مبارك في أن كل منهم ردي ...تقول العرب ما أشبه الليلة بالبارحة ..
ــ الســفاه مــغــرة :
السفاه يمر في مرحلة الشباب الواحد مابعد عقل يسمى (( سفيه )) وتلقاه يتصرف تصرفات مالها سنع .... وينغر بشبابه . فقد تحصل عليه بعض النكبات والمشاكل من غروره...
يضرب للفعل اللي ماله سنع .
ــ ســــلام .. عليكم السلام :
يضرب لما ينقضي بسرعة .....
ــ السلامة غنيمة :
..............
ــ ســلب عبســه :
السلب : هو الشي الرقيق الشفاف اللي يغطي نواة التمر ( العبــسة او الفصمة ) يســمى في الفصحى ( قطمير ) ... يضرب هالمثل للشي الرقيق الخفيف وخاصة من القماش ...
ــ الســلف تلف :
اذا عطيت واحد فلوس سلف .. ترى يمكن ما يرجعها ....
ــ السماح رباح :
يعني خلك حبيب وسمح لا تصير معقد ...
ــ سماد يكسب ....ولا زباد يخســر :
أي الاتجار في شي مربح ولو أنه ردي مثل السماد أحسن من الاتجار في شيء ما يربح ولو أنه من أحسن أنواع الطيب وهو الزباد .. ترى مهوب الزبادي ...
ــ السما ماتمطر دراهم :
هذا المثل حث على العمل وعدم التكاسل فالرزق يحتاج إلى بذل مجهود ...
ــ الـسـما ياخذ رصاص واجد :
الرصاص يقصد به ما يحرج من البنادق .. فالسما وسيعة ماتمتلي من رصاص البنادق.. يضرب المثل : في عدم المبالات أو الاهتمام بكلام السفية أو من يتوعدك .
ــ سمعنا وأطعنا :
يقال في الانقياد والطاعة ...
ــ السم ما يوكل تجريب :
السم يموت الانسان فما يمكن واحد يقول أبجرب السم ...
ــ ســمنكم في دقيقكم :
يعني ماخسرتوا شي فالسمن اللي راح منكم تراه صار في وسط أكلكم ..
ــ ســم ولا تخاف :
توكل على الله وسم بالله .... يضرب للحث على الاقدام .
ــ ســنبلت على الكعب :
اذا صارت الامور رديه .. والفلاح زارع قمح لكن ماعنده ماء .. فالزرع ما يرتفع .. يصير قصار .. وتطلع السنبلة وتصير صغيرة ... والكعب : يقال انه العقدة اللي في ساق النبات ...
يضرب المثل :: للشي اللي أيست منه .... مثل واحد صار عمره 21 سنه وعجز ياخذ الثانوي.
ــ ســوســة نخرة :
يقال فلان سوسة نخرة اذا كان يسعى للافساد بين الناس ....لأن السوس كل شي يخربه فالا سنان يدمرها السوس وكذلك الخشب ...
ــ سوق الغلا جــلاب :
اذا غليه أي سلعة وقلة بالسوق فهذا يجعل الناس يجيبونها ويجلبونه ...
ــ الســـوق متساوق :
اذا فيه سلعة سعرها متقارب في الاسواق ... يعني ما فيه داعي تتعب وتبحث عن سعر اقل .
ــ ســهود ومهود .. وعدو مقرود :
اذا واحد مستانس وجايته دنياه على ما يبي .... فيقول هالعبارة .
ـــ ســيده قــيده :
اذا فيه ولد صايع ضايع .. ماله من يامره ولا ينهاه .. يقال : أن هذا يروح للي يبي ولا أحد يمنعه أو يقيده .
ـــ السيل ما ينسد بالعباة :
لأن السيل كثر وما يمكن تسدة ببشتك ... يضرب هالمثل لمن يجهز أشياء بسيطة لأمر عظيم ...
ــ سيل يدربي الشجر :
يضرب للشي العظيم .
حرف الشــين :
ــ شــاب ولا تاب :
اذا فيه واحد نسأل الله العافية صار شايب وهو ماتاب من المعاصي .
ــ شــاة الله بأرضه :
هذا مسكين مايدري وين الله حاطه مثل الشاة اللي ماهمها الا ترعى .
ــ شــاة أمس :
يضرب المثل لمن تحقق موته ...
ــ الشاري اربح من البايع :
هذا المثل يقال عند البيع علشان المشتري يصمل ولا يهون ...
ــ شــاهر ظاهر :
يعني الرجال بايعها ما همه أي واحد ... يسوي اللي يبي
ــ شــايب .. عايب :
يضرب لمن اجتمعت فيه عدة عيوب .
ــ شــاب نار :
يضرب للكريم اللي دايم قهوته زاهبة .
ــ شباط مقرقع البيبان :
شباط هو النجم الذي يأتي بعد المربعانية.. وتكثر فيه الرياح .. وكانت ابواب الاولين خشب تتحرك مع الهوا .. فكأن الباب يقرقع من شدة الهوا .. مهوب مثل بيبان هالوقت (( البيطار )) .
يضرب هالمثل : لشخص الكثير الدخول والخروج ...
ــ شبر من ذنب الخروف ولا بوع من ذنب البقرة :
الشبر مابين أصابع الكف وهي ممدودة ويساوي تقريبا (( 20إلى 25 سم )) حسب حجم الكف . والبوع طول مابين اليدين ممدودتين أكثر من المتر شوي . والخروف ذنبته شحم .. والبقرة ذنبه ما فيه فايدة ... فالعبرة ماهي بالطول
ــ الشــبكة تعير المنجل :
شبكة الصيد فيها فتحات .. والمنخل : أيضا فيه فتحات لكن أصغر من شبكة صيد السمك ... يضرب المثل لمن يعيب على الآخرين عيوب هي موجودة فيه أكثر منهم .
ـــ الشــتا وجه ذيب :
لأن الشتا أشهب وبرده شين فلازم تحذر منه ... مهوب مثل الصيف ... ياحبي للصيف بس ..
ــ شــخب طفح .. لابيدى ولا بالقدح :
الشخب : الحليب الذي يخرج من الضرع أثناء نزوله ... والواحد اذا جا يحلب العنز .. يضغط على الضرع بيده ... ويضع الاناء تحت ليجمع فيه الحيب .. وأحيانا يصير الحليب خارج القدح .. فلا يستفيد منه ..... يضرب المثل للشي اللي ضايع بلا فايدة .
ــ شــختك ... بختك :
البيع في الحراج جزافا .. بدون أن تناظر وتفحص السلعة ... بختك : حظك .
ويضرب أيضا في الزواج اللي ياخذ وحدة وهو ما يعرف عنها أي شي ....
ــ شــيخني ربي :
اذا واحد صار أمير في قبيلة وبدون طلب منه ...
ــ شــد لي .. واقطع لك :
تبادل مصالح ... اذا رحت لواحد في غرض في أي مصلحة أو دائرة حكومية .. وسألك وينك تشتغل فيه وعلمته وله موضوع عندكم .. يقول خلاص شد لي واقطع لك .. يعني موضوعك اللي عندنا أبزينه .. وأنت صلح موضوع اللي عندكم .
ــ شــدي غطاك . وطولي خطاك :
هالمثل للحريم بس .... يعني اضبطي الحجاب وتغطي على سنع وروحي للي تبين ..
ــ شرب على غير الظما .. يجرح الكبد :
أي أن شرب الماء على غير حاجة ما يلتذذ به الواح ... يضرب هالمثل للي يقدم خدمة لواحد وهو مايحتاج لها ...
ــ الشرط أربعون :
باللغة الشبابية (( ففتي.... ففتي )) بعني ترى الفايدة بيني وبينك لك نص وان نص .
ــ الشــرط ... نور :
لآنه لازم من الوفاء به ....
ــ الشرط ولا اللحية الغانمة :
اللحية الغانمة : يقصد به الرجال الطيب الكريم . اذا شرطت أي شرط فهذا أضمن للوفاء من جود الرجال لأنه يمكن ما يصير لحية غانمة .
ــ الشــرع مطهرة :
أي يطهر الواحد من الذنوب .
ــ شــرق ... بريقه :
الريق : اللعاب في الفم ... شرق : غص ... اذا واحد قام بيحكي ولا عرف يتكل ...
ــ شــر وعيش مر :
يضرب للعشرة السيئة .... أو يوصف به الإنسان السيء جدا .
ــ الشعير ماكول مذموم :
الشعير اللي تاكله البهايم والأوادم منول ويقولون مهوب زين .. يضرب المثل للشيء الذي يستفاد منه وينفع .. لكن ما يمدح ولا يقدر بل يسب ويذم ..
ــ الشقا على ام عسيب :
ام عسيب : النخلة .... من أمثال الفلاحين : يقصدون عدم المبالاة في كثرة الانفاق.
ــ الشق .. أوسع من الرقعة :
المصيبة أكبر من الحل الموجود .
ــ شــمسه باطراف العسبان :
الشمس آخر النهار قبل الغروب ما تشوفها الا على عسبان النخل المرتفع .... يعني أنها قربت تغيب ... واذا فيه شايب كبير في آخر عمره .. يقال عنه شمسه بأراف السبان .
ــ شــورك خله في زورك :
يعني ماني محتاج لرايك .. ابلع العافية .
ـ ـ شورك وهداية الله :
اذا بغيت تسمع كلام صاحبك .. وتتكل على ربك .
ــ شـــوط بقرة :
اذا فيه لاعب جديد وملعلع في اول المباراة لكن بعد نص ساعة ماعاد يقوى يمشي .. يقال : شوط بقرة .. لأن البقرة أول ما تركض سريعة جدا لكن شوي وتاقف .
ــ الشوف شجر :
اذا واحد عيونها ما يشوف بها .
ــ شــوكة طين :
لأنها تنغزك ما دريت عنها .. فاذ صار هنا واحد يخفي النجاسة والحسد .. يوصف بشوكة طين .
ــ شــهر هــل .. وشهر زل :
يضرب في سرعة انقضاء الأيام .
ــ شهوة عجوز بالشتا :
يقولون فيه عجوز خرفت وقلت لعياله أبي عنب بالشتا.. وهذا في زمان منول ما فيه عنب مستورد ومحفوظ بالثلاجات ... يضرب المثل للي يطلب شي ماهو بوقته .
ــ شي بلاش ربحه بين :
مايحتاج شرح
ــ شـيلة العاجز مرة وحدة :
تلقاه يضف كل شي جميع في ايديه ويمكن يطيح منه شي ...يضرب في الحث على النشاط والنهي عن الكسل والعجز .
ــ شيء مهوب لك لا يهولك :
يعني خلك في حالك وماعليك من الناس .
ــ الشـــيوخ أبخص :
اذا صدر أمر أو حكم من الحاكم وما جاز لك ما يهم رايك لأن فيه شي ماتدري عنه ... يقال : أن واحد لقى الشرطة يطقون واحد .. وجا بيفزع له... قال له واحد : الشيوخ أبخص .
ــ شين وقواية عين :
يضرب للمرأة القبيحة التى تتطاول بلسانها .
ــ السابقة ما تلحق إلا تالي :
أي أن الخيل الاصيل اللي تفوز في السباق تراها ماتلحق وتصير الأوله إلا في آخر السباق . والمقصود أن العبرة بالخواتيم .. وهذا المعنى يشبه (( قدم الغشيم والحقه ))
ــ ساتر الله الغنم بأذنابها :
اذا واحد ماعمره حصل له أي مشكلة أو مصيبة يختير فيها ويعرفون وشلون يتصرف ...
ــ ســاح قراده :
القراد حشرة صغيرة تلصق بجسد الحيوان وخاصة البعير وتعيش على دمه فتؤذيه .. فاذا تخلص منها استانس... يضرب هالمثل للواحد اللي مستاسع صدره أكثر من اللازم بعد أن كان ضايق صدره .
ــ ساعة المحب قصيرة :
الساعة ستين دقيقة لكن تصير ثواني اذا الواحد مستانس وقاعد مع واحد يحبه لكن اذا بلاك الله بواحد دب وثقيل دم ولا تواطنه تصير الدقيقة ساعة .
ــ ساعة من الغــني تغــني :
الكريم سبحانه واذا أمر الله السحاب وأمطر على أي جهة مهما كانت فان هذه اللحظات من أمر الله سبحانه تغني الأرض بالماء .
ــ ساقي يمشي ولا ساقي ياقف :
الساقي : مجرى الماء غي المزرعة ... اذا كان الساقي الماء يمشي معه باستمرار ولو قليل احسن من مجرى لكن ياقف ...وعند العوام يقال : ساقي يمشي ولانهر مقطوع ..
ــ ســباحين ليل :
السبحونه هي القصة أو السالفة بس الغالب أنها تشليخ وأرانب ... مثل مواضيع بعض الناس ... ويضرب المثل لما لايتوقع وقوعه .
ــ ســبيت ماله بيت :
سبيت تصغير (( سبت )) يوم السبت وقيل غير ذلك .. والمقصود الشخص الذي لايستقر في مكان ...
اذا واحد طفران ومستاجر وكل يوم طالع ببيت .. يقال له سبيت ماله بيت .
ــ ســتر عــنز :
العنز مسكينه لها ذنب صغير ومرتفع مايستر عورتها ... ويضرب المثل لمن انكشف أمره وهو يدعي أنه متستر .... مثل بعض .............
ـــ ســرحة جرذي :
الجرذي حيوان مؤذ جدا ... وذكي ومن ذكائه أنه ما يبتعد عن بيته اذا طلع منه . يضرب المثل للي مايبعد ... مثلا واحد طلع بعياله يبون البر ...وتغدوا على الدائري .....
ــ السرق من السارق حــلال :
يعني اذا لقيت حاجتك المسروقة مع السارق وأخذتها بأي وسيلة ولو عن طريق السرقة .. فهذا حلال في نظر العوام ...
ــ سـري به وهو ما يدري :
سري : أي لقد أسري به .. يعني سافروا به ...
اذا واحد ما يدري وين الله حاطه فيه وجا واحد وهك عليه بأي شي ..
ــ ســريع القـرى :
القرى : الطعام .. اذا واحد عازم ناس ومن يوم قلطهم جاب فنجال قهوة .. ثم على طول .. تفضلوا على العشا .... يعني يجيب العشاء بسرعة .... هذا اللي يصلح للعرق ...
ــ ســعيد اخو مبارك :
اذا فيه اثنين يشبهون بعض في الردى ... يقال أن سعيد يشبه مبارك في أن كل منهم ردي ...تقول العرب ما أشبه الليلة بالبارحة ..
ــ الســفاه مــغــرة :
السفاه يمر في مرحلة الشباب الواحد مابعد عقل يسمى (( سفيه )) وتلقاه يتصرف تصرفات مالها سنع .... وينغر بشبابه . فقد تحصل عليه بعض النكبات والمشاكل من غروره...
يضرب للفعل اللي ماله سنع .
ــ ســــلام .. عليكم السلام :
يضرب لما ينقضي بسرعة .....
ــ السلامة غنيمة :
..............
ــ ســلب عبســه :
السلب : هو الشي الرقيق الشفاف اللي يغطي نواة التمر ( العبــسة او الفصمة ) يســمى في الفصحى ( قطمير ) ... يضرب هالمثل للشي الرقيق الخفيف وخاصة من القماش ...
ــ الســلف تلف :
اذا عطيت واحد فلوس سلف .. ترى يمكن ما يرجعها ....
ــ السماح رباح :
يعني خلك حبيب وسمح لا تصير معقد ...
ــ سماد يكسب ....ولا زباد يخســر :
أي الاتجار في شي مربح ولو أنه ردي مثل السماد أحسن من الاتجار في شيء ما يربح ولو أنه من أحسن أنواع الطيب وهو الزباد .. ترى مهوب الزبادي ...
ــ السما ماتمطر دراهم :
هذا المثل حث على العمل وعدم التكاسل فالرزق يحتاج إلى بذل مجهود ...
ــ الـسـما ياخذ رصاص واجد :
الرصاص يقصد به ما يحرج من البنادق .. فالسما وسيعة ماتمتلي من رصاص البنادق.. يضرب المثل : في عدم المبالات أو الاهتمام بكلام السفية أو من يتوعدك .
ــ سمعنا وأطعنا :
يقال في الانقياد والطاعة ...
ــ السم ما يوكل تجريب :
السم يموت الانسان فما يمكن واحد يقول أبجرب السم ...
ــ ســمنكم في دقيقكم :
يعني ماخسرتوا شي فالسمن اللي راح منكم تراه صار في وسط أكلكم ..
ــ ســم ولا تخاف :
توكل على الله وسم بالله .... يضرب للحث على الاقدام .
ــ ســنبلت على الكعب :
اذا صارت الامور رديه .. والفلاح زارع قمح لكن ماعنده ماء .. فالزرع ما يرتفع .. يصير قصار .. وتطلع السنبلة وتصير صغيرة ... والكعب : يقال انه العقدة اللي في ساق النبات ...
يضرب المثل :: للشي اللي أيست منه .... مثل واحد صار عمره 21 سنه وعجز ياخذ الثانوي.
ــ ســوســة نخرة :
يقال فلان سوسة نخرة اذا كان يسعى للافساد بين الناس ....لأن السوس كل شي يخربه فالا سنان يدمرها السوس وكذلك الخشب ...
ــ سوق الغلا جــلاب :
اذا غليه أي سلعة وقلة بالسوق فهذا يجعل الناس يجيبونها ويجلبونه ...
ــ الســـوق متساوق :
اذا فيه سلعة سعرها متقارب في الاسواق ... يعني ما فيه داعي تتعب وتبحث عن سعر اقل .
ــ ســهود ومهود .. وعدو مقرود :
اذا واحد مستانس وجايته دنياه على ما يبي .... فيقول هالعبارة .
ـــ ســيده قــيده :
اذا فيه ولد صايع ضايع .. ماله من يامره ولا ينهاه .. يقال : أن هذا يروح للي يبي ولا أحد يمنعه أو يقيده .
ـــ السيل ما ينسد بالعباة :
لأن السيل كثر وما يمكن تسدة ببشتك ... يضرب هالمثل لمن يجهز أشياء بسيطة لأمر عظيم ...
ــ سيل يدربي الشجر :
يضرب للشي العظيم .
حرف الشــين :
ــ شــاب ولا تاب :
اذا فيه واحد نسأل الله العافية صار شايب وهو ماتاب من المعاصي .
ــ شــاة الله بأرضه :
هذا مسكين مايدري وين الله حاطه مثل الشاة اللي ماهمها الا ترعى .
ــ شــاة أمس :
يضرب المثل لمن تحقق موته ...
ــ الشاري اربح من البايع :
هذا المثل يقال عند البيع علشان المشتري يصمل ولا يهون ...
ــ شــاهر ظاهر :
يعني الرجال بايعها ما همه أي واحد ... يسوي اللي يبي
ــ شــايب .. عايب :
يضرب لمن اجتمعت فيه عدة عيوب .
ــ شــاب نار :
يضرب للكريم اللي دايم قهوته زاهبة .
ــ شباط مقرقع البيبان :
شباط هو النجم الذي يأتي بعد المربعانية.. وتكثر فيه الرياح .. وكانت ابواب الاولين خشب تتحرك مع الهوا .. فكأن الباب يقرقع من شدة الهوا .. مهوب مثل بيبان هالوقت (( البيطار )) .
يضرب هالمثل : لشخص الكثير الدخول والخروج ...
ــ شبر من ذنب الخروف ولا بوع من ذنب البقرة :
الشبر مابين أصابع الكف وهي ممدودة ويساوي تقريبا (( 20إلى 25 سم )) حسب حجم الكف . والبوع طول مابين اليدين ممدودتين أكثر من المتر شوي . والخروف ذنبته شحم .. والبقرة ذنبه ما فيه فايدة ... فالعبرة ماهي بالطول
ــ الشــبكة تعير المنجل :
شبكة الصيد فيها فتحات .. والمنخل : أيضا فيه فتحات لكن أصغر من شبكة صيد السمك ... يضرب المثل لمن يعيب على الآخرين عيوب هي موجودة فيه أكثر منهم .
ـــ الشــتا وجه ذيب :
لأن الشتا أشهب وبرده شين فلازم تحذر منه ... مهوب مثل الصيف ... ياحبي للصيف بس ..
ــ شــخب طفح .. لابيدى ولا بالقدح :
الشخب : الحليب الذي يخرج من الضرع أثناء نزوله ... والواحد اذا جا يحلب العنز .. يضغط على الضرع بيده ... ويضع الاناء تحت ليجمع فيه الحيب .. وأحيانا يصير الحليب خارج القدح .. فلا يستفيد منه ..... يضرب المثل للشي اللي ضايع بلا فايدة .
ــ شــختك ... بختك :
البيع في الحراج جزافا .. بدون أن تناظر وتفحص السلعة ... بختك : حظك .
ويضرب أيضا في الزواج اللي ياخذ وحدة وهو ما يعرف عنها أي شي ....
ــ شــيخني ربي :
اذا واحد صار أمير في قبيلة وبدون طلب منه ...
ــ شــد لي .. واقطع لك :
تبادل مصالح ... اذا رحت لواحد في غرض في أي مصلحة أو دائرة حكومية .. وسألك وينك تشتغل فيه وعلمته وله موضوع عندكم .. يقول خلاص شد لي واقطع لك .. يعني موضوعك اللي عندنا أبزينه .. وأنت صلح موضوع اللي عندكم .
ــ شــدي غطاك . وطولي خطاك :
هالمثل للحريم بس .... يعني اضبطي الحجاب وتغطي على سنع وروحي للي تبين ..
ــ شرب على غير الظما .. يجرح الكبد :
أي أن شرب الماء على غير حاجة ما يلتذذ به الواح ... يضرب هالمثل للي يقدم خدمة لواحد وهو مايحتاج لها ...
ــ الشرط أربعون :
باللغة الشبابية (( ففتي.... ففتي )) بعني ترى الفايدة بيني وبينك لك نص وان نص .
ــ الشــرط ... نور :
لآنه لازم من الوفاء به ....
ــ الشرط ولا اللحية الغانمة :
اللحية الغانمة : يقصد به الرجال الطيب الكريم . اذا شرطت أي شرط فهذا أضمن للوفاء من جود الرجال لأنه يمكن ما يصير لحية غانمة .
ــ الشــرع مطهرة :
أي يطهر الواحد من الذنوب .
ــ شــرق ... بريقه :
الريق : اللعاب في الفم ... شرق : غص ... اذا واحد قام بيحكي ولا عرف يتكل ...
ــ شــر وعيش مر :
يضرب للعشرة السيئة .... أو يوصف به الإنسان السيء جدا .
ــ الشعير ماكول مذموم :
الشعير اللي تاكله البهايم والأوادم منول ويقولون مهوب زين .. يضرب المثل للشيء الذي يستفاد منه وينفع .. لكن ما يمدح ولا يقدر بل يسب ويذم ..
ــ الشقا على ام عسيب :
ام عسيب : النخلة .... من أمثال الفلاحين : يقصدون عدم المبالاة في كثرة الانفاق.
ــ الشق .. أوسع من الرقعة :
المصيبة أكبر من الحل الموجود .
ــ شــمسه باطراف العسبان :
الشمس آخر النهار قبل الغروب ما تشوفها الا على عسبان النخل المرتفع .... يعني أنها قربت تغيب ... واذا فيه شايب كبير في آخر عمره .. يقال عنه شمسه بأراف السبان .
ــ شــورك خله في زورك :
يعني ماني محتاج لرايك .. ابلع العافية .
ـ ـ شورك وهداية الله :
اذا بغيت تسمع كلام صاحبك .. وتتكل على ربك .
ــ شـــوط بقرة :
اذا فيه لاعب جديد وملعلع في اول المباراة لكن بعد نص ساعة ماعاد يقوى يمشي .. يقال : شوط بقرة .. لأن البقرة أول ما تركض سريعة جدا لكن شوي وتاقف .
ــ الشوف شجر :
اذا واحد عيونها ما يشوف بها .
ــ شــوكة طين :
لأنها تنغزك ما دريت عنها .. فاذ صار هنا واحد يخفي النجاسة والحسد .. يوصف بشوكة طين .
ــ شــهر هــل .. وشهر زل :
يضرب في سرعة انقضاء الأيام .
ــ شهوة عجوز بالشتا :
يقولون فيه عجوز خرفت وقلت لعياله أبي عنب بالشتا.. وهذا في زمان منول ما فيه عنب مستورد ومحفوظ بالثلاجات ... يضرب المثل للي يطلب شي ماهو بوقته .
ــ شي بلاش ربحه بين :
مايحتاج شرح
ــ شـيلة العاجز مرة وحدة :
تلقاه يضف كل شي جميع في ايديه ويمكن يطيح منه شي ...يضرب في الحث على النشاط والنهي عن الكسل والعجز .
ــ شيء مهوب لك لا يهولك :
يعني خلك في حالك وماعليك من الناس .
ــ الشـــيوخ أبخص :
اذا صدر أمر أو حكم من الحاكم وما جاز لك ما يهم رايك لأن فيه شي ماتدري عنه ... يقال : أن واحد لقى الشرطة يطقون واحد .. وجا بيفزع له... قال له واحد : الشيوخ أبخص .
ــ شين وقواية عين :
يضرب للمرأة القبيحة التى تتطاول بلسانها .
ليست هناك تعليقات:
إرسال تعليق