أمثال شعبية سورية
2015-06-04 17:11:41
- يلي ما داق (ذاق) المغراية (عصا تستعمل لحرق الغراء المغلي) ما بيعرف شو الحكاية. ويقال للجاهل عما يدور حوله
- يلي ما بتزينه عروقه, مابتزينه خروقه (لباسه). يقال للأصيل
- خطف الكباية من راس الماعون (الصحن). يقال للمتسرع في الامور
- مو (ليس) كل مين صف الصواني ال (قال) انا حلواني. يقال للمتعدي على المصلحة
- اذا صاحبك عسل لاتلحسه كله. يقال للطمع بالشيء
- يلي بيته من ازاز (زجاج) ما بيضرب الناس بالحجار. يقال لمن يتهم الآخرين بشيء وهو فيه
- عميل منيح (خير) وكبه (القيه) بالبحر. يقال للحث على فعل الخير من دون انتظار ثواب
- يلي ما بيحضر ولادة عنزته بتجبله(تأتي له) جرو. يقال للاعتماد على النفس بالعمل
- حط اصبعك بعينك بتوجعك متل ما بتوجع غيرك. يقال لعدم ايذاء الناس
- ياجاري انت بحالك وانا بحالي. يقال في البعد عن اذى الجار
- العين بصيرة والئيد (اليد) اصيرة (قصيرة). يقال في عدم المقدره على فعل ما يراد
- يلي بينزل من السما بتستلئيه (تتلقاه) الأرض. يقال للتوكل
- بكرا بيدوب التلج وبيبان المرج. يقال للصبر في معرفة الشيء
- يلي دليلو (دليله) جردون ياما بدو يفوت ششامي. يقال لمن يتبع الشخص الخطأ
- مو (ليس) كل اصابيعك متل بعضا (بعضها). يقال للتمييز بين الاشياء
- يلي بياكل العصي مو متل يلي بيعدا(يعدها). يقال لمن ينظر على المهموم
- الحجر يلي مابيعجبك بيفجك (يشجك). يقال لتقدير قيمة الاخرين
- الحكي (الكلام) الك ياجارة اسمعي يا كنه. يقال لتنبيه الكناين
- الإيد (اليد) يلي مابتحبها بوسها وادعي عليها بالكسر. يقال لمن لايقدر على شخص ما
- زوزك (زوجك) على ما عودتي وابنك على ما ربيتي. يقال لتقوية المرأة
- غسلي وشك (وجهك) مابتعرفي مين بيبوسو (يقبله) ونضفي (نظفي) بيتك مابتعرفي مين بيدوسو (يزوره)
- الارد (القرد) بعين امه غزال
- يا مآمنه (مؤمنة) بالرجال متل المي (الماء) بالغربال. يقال في عدم الامان للرجال
- زيوان البلد ولا امح (قمح) الجلب. يقال في تفضيل اهل الحارة عن الغريب
- حارتنا زغيره (صغيره) ومنعرف بعض.
- على اد (قد) لحافك مد رجليك. يقال للمتهور
- لاتنام بين الأبور (القبور ولاتشوف منامات (احلام) وحشة. يقال لعدم المخاطرة
- يامسترخص اللحم عند المرءة (المرق) تندم. يقال لمن يتهاون في الشيء
- البي (قلبي) على ولدي والب (قلب) ولدي عالحجر. يقال في عقوق الابناء
- الحماية حمة (حمى) وبنت الاحما عئرب (عقرب) مسمة. يقال في وصف بيت الحمو
- يلي بيطلع (ينظر) فيي بعين بتطلع فيه بعينتين.
- يا اخد الئرد (القرد) على مالو بيروح المال وبيضل الئرد على حالو
- لولا علبة مكي كانت الحالة بتبكي. يقال للمتمكيجة لأخفاء عيوب وجهها
- عطي الخباز خبزو ولو اكل نصو
- يلي بيجي حلت البركه ولي ما بيجي خفف لبكة
- لحاء الكذاب لورا الباب
- بشهر تموز بتغلي المي بالكوز
- تلاتة ما بيتخبو الحب والحبل وركوب الجمل
- علمناهن عالشحادة سبقونا عالبواب
- الملوخية أكلة ملوكية
- يعني يا طخو يا كسير مخو
- اللي مابيخرب مابيعمر
- قال البرغوت للبقة يضرب الشرشوح اذا ترقى
- قال المونة بدا ركونة مابدا وحدة مجنونة
- عم تعيب على ملوك وانت بياع علوك
- العمر بيخلص والشغل ما بيخلص
- 1)سألو الدب شو شغلتك ؟قلهون موظف بالسرايا قالولو اي مبين على إيديك هالطرايا...2) قالولو للبغل مين أبوك قلن الحصان خالي3) قال يا جامع المال الك ايام معدودة .. المال للورتة واللحم للدودة4) قال إجا المنبئط لعند المهتري يطلب دوا للعافية5) قالولو للديك صيح .، قلهن كل شي بوقتو منيح6) عطس الفار قللو القط اسمالله .، ردللو انتا اتركني وانا بألف خير من الله7) قالولها قومي عالتعزيل قالتلون مريضة... حطو الغدا قالتلون وين معلقتي العريضة8) مين فضح بيت الامير ? الكنة والاجير9) أعرج يسحب مكرسح يقله تعال نتفسح10) ضربة المعلم بألف لو شلفها شلف11) قلو يا حواجبو يا عيونو ، قلو كلو عالمغتسل ببان12) بتدق عركبتها بتطالع كزبتها13) قلو حبني وخود جحش قلووو المحبة ما بتجي دحش14) اذا حبيت حب امير .،مشان اذا عيروك تستاهل التعيير16) من قلة الاصايل شدينا على الكلاب سروج17) اللي ما بيشوف من المنخل اعمى18) يلي ما بيحضر ولادة عنزته بيجيه كلب19) إللي ماله كبير .. ماله تدبير20) اذا بدي اصرف من كيسي ليش لساويك عريسي21) بعد عن الشر وغنيلو قالو لابيغنيلي ولا بغنيلو22) قرطة فجلة .. وبلا هالخجلة23) حطوه بالكيس مع ابليس طلع ابليس عم يستغيث24) يلي بدك تصاحبو لا تقابحو25 ) مثل بشكير الحمام من ايد ل ايد26) فتحنا دكان حلاقة ستفتحنا باقرع27) اذا كان كلو واحد منكون كبير مين بدو يسوق الحمير28) اسأل الاصلع واستشيرو .، ما هر شعرو الا من كتر تفكيرو29) شو طابخه الشطاطه ... مفركة بطاطا30) قد ما طولتي يا حورة آخرتك قباقيب31) الخنفسة شافتهم عم يحدوا خيل السلطان مدت إجرها وقالت أنا كمان32) حضرنا الحطب والعريس لسا ما خطب33) يلي بيجي بركة و يلي ما بيجي بيخفف لبكة34) لا رجال بالسوق و لا مال بالصندوق35) ست و جاریتین علی قلی بیضتین36) هيك طرقات بدها هيك صرامي37 )القمح يلي مو الك لا تحضر كيلو... بتتغبر دقنك وبتتعب بشيلو.....
بين صلاح جديد وحافظ أسد
50 عاماً على رحيل غيفارا... مسيرة ثائر أممي وأحلام وردية لم تتحقق
"حرب أكتوبر"... هل كانت تمثيليّة من إخراج كيسنجر وبطولة مصر وإسرائيل؟
جيش هتلر الإسلامي... قصة الجهاد في سبيل النازية
الإمبراطورية الأكديّة
ليست هناك تعليقات:
إرسال تعليق