من أمثال الجار و الجيرة الإيجابية

redeagle.ahlamontada.com

أمثال شعبية عن الجيران

 

في الخميس نوفمبر 25, 2010 4:24 pm

من طرف لميس فلسطين

من أمثال الجار و الجيرة الإيجابية:

· ما بيعرف أسرارك غير ربك و جارك.

· اسأل عن الجار قبل ما تشتري الدار .

· تمنى الخير لجارك تشوفه في ديارك.

· جارك القريب لا أخوك لبعيد.

· لولا جارتي لانفرت مرارتي.

· الجار اللي بتصاحبه و تماسيه كيف تعاديه.

· رغيف برغيف و لا يبات جارك جعان.

· الجار للجار ولو جار

و يناقض هذه الأمثال ما قيل بالنسبة لجار السوء :

· إن أبغضك جارك حول باب دارك.

· انت جار ولا كشاف أسرار.

· جار السوء ما أرداه، اللي معنا أخذه اللي معاه خباه.

· صحن جري على باب داري، لا شبع شبعني، بس المعيار جاني.

· إن حكيت للجار عيرني و إن صبرت للدهر حيرني.

· الحسد في الجيران و البغض في الأهل.

· اللي بيركن على جارته بتنفقي مرارته.

· الجيران نيران.

· دار بلا جار تسوى ألف دينار.

· برميها في الحارة و لا عطيها للجارة.

· يا جاري إنت بحالك وأنا بحالي.

في الخميس نوفمبر 25, 2010 11:10 pm

من طرف رائحه المطر

يا حبيبي في عنا جار بنفس الشارع من الاخر خخخخخخخ الله يعطيه لكل مشتهي على رأي ستي خخخخخخخخ

شكرا على الموضوع 

في الجمعة نوفمبر 26, 2010 6:31 pm

من طرف جورج الحكيم

الله لميس على هالمثال كتير حلوه
يسلمووووو اديك

في السبت نوفمبر 27, 2010 8:40 am

من طرف المختــار

في كمان امثال

كوم حجار ولا هالجار

اختار جارك قبل دارك

تسلمي لميس على الامثال

يعطيكي العافية

في السبت نوفمبر 27, 2010 4:03 pm

من طرف لميس فلسطين

شو يا رائحة المطر
شكله جارك مغلبك
ههههههه
مشكورة حبيبتي لتواصلك

وييييييين يا رفيق جورج ما بتبين الا بالمناسبات؟
هههههههههههه
بس أحلى طلة و الله

و الرفيق مختار اهلا بيك

person

من طرف محتوى إعلاني

Topic'it : التطبيق الإحترافي للمنتديات تتبع منتدياتك المفضلة مجاني - Topic'it لأنظمة Android

معاينة