الخريف يخلي القوي ضعيف

• طبخ
• العناية بالشعر والبشرة
• رجيم ورشاقة
• التسجيل بالمجتمع

اسم العضو		حفظ البيانات؟
كلمة المرور

فلسطين عدد كبير من الامثال الشعبية الفلسطينية يوجد هنا عدد كبير من الامثال الشعبية الفلسطينية دعم قضية فلسطين و النقاش حول إمكانية صمود الشعب الفلسطيني ضد العدوان الغاشم

عدد كبير من الامثال الشعبية الفلسطينية

اضافه رد

• صفحة 1 من 2
• | لمشاهدة الصفحة القادمة

• 12-29-2011 | 05:47 PM12842زهرة الجزائر
• توطئة:
  
  الفولكلور الشعبي الفلسطيني زاخر بالأمثلة الشعبية التي عبأتها حكمة البشر منذ أول الخليقة، على جدران أقدم تجمع سكاني في تاريخ البشر ونعني به مدينة أريحا، وتلخص الأمثال الشعبية بشكل مذهل الحياة في فلسطين وممارساتها اليومية، فمن الأخلاق إلى الزراعة إلى الزواج إلى الفصول إلى الكرم..الخ
  
  لكن هذا الكتاب الذي نتعرض له اليوم أخذ جانباً واحدا من الأمثال وهي الأمثال الخاصة بالفصول والزراعة، مما اقتضى الإشارة إليه.
  
  وبالتالي فإن ملف الأمثال الوارد هنا، قابل للزيادة بشكل كبير، وما هذه الأمثال الواردة هنا إلا بداية لتجميع الأمثال الفلسطينية التي لا يعرف أحد عددها ولا حتى على وجه التقريب.
  
  
  
  
  * لما يطلع الخريف ادّارى في الصريف
  * هوا الخريف بيخلي القوي ضعيف
  
  * أيلول دباغ الزيتون
  
  * في أيلول بيطيح الزيت في الزيتون
  
  * في أيلول بيدور الزيت في الزتون والمر في اللمون
  
  * لما يصلّب الصليب ما ترفع عن زيتونك القضيب
  
  * زيته طيّب ولقاطه بشيّب
  
  * زيت الملدمسي طيب ولقاطه بشيب
  
  * النبالي زيته سيال ولقاطه عجال في عجال
  
  * البري زيته مري
  
  * الزيت عماد البيت
  
  * عمارة البيت خبز وزيت
  
  * القمح والزيت سَبْعين في البيت
  
  * الزيت مسامير المعصب
  
  * الزيت ملك العاجز
  
  * كول زيت وانطح الحيط
  
  * سيل الزيتون من سيل كانون
  
  * إن لسّن الزيتون في شباط حضرولو لبطاط
  
  * إن أخرج في شباط حضرولو البطاط
  
  * إن لسن الزيتون في أيار هيأولو الزيار
  
  * إن أخرج في أيار حضرولو الجرار
  
  * إن لسن في نيسان لا تعشم ابه يا ابن الناس
  
  * إن احسم الزيتون في الخميس هيأولو القطاطيس
  
  * يا الله السموم في ليالي الزيتون لو ما ضل في السهل ولا حابون
  
  * يا الله الندى يوم عقد المرودة بعقد الزيتون والا انشالله ما حدا
  
  * يا رب ندى وسموم عند عقدك يا زيتون
  
  * مثل ما بدك منها بدها منك
  
  * ابعد اختي عني وخد ثمرها مني
  
  * قنبني ولا تكربني
  
  * العشاب غلب الكراب
  
  * الزيتون اذا بدك تهفيه شفه وخليه
  
  * التين اقطع واطيه والزيتون اقطع عاليه
  
  * الجناين جنون والملك زيتون
  
  * ايام الزيت اصبحت امسيت
  
  * أيام الزيت طول الخيط
  
  * أيلول طرفه من الشتا مبلول
  
  * من الشجر للحجر
  
  * إن تخن الخريف ابشر بالرغيف
  
  * بعد الصليب الأخراني صيف تاني
  
  * سنة الشوب بتلبس التوب
  
  * لا تكره الحموم في أول الوسوم
  
  * يا رب حمومها في أول وسومها
  
  * السنة المليحة بتنعرف من فولها وسخولها
  
  * أجانا وز العراق ابشرو بالخصاب
  
  * وز ولبن عافية عالبدن
  
  * سنة الزرزور احرت في البور
  
  * سنة القطا بيع الغطا
  
  * سنة الحمام افرش ونام
  
  * قيمو بيادركم أجا الصفاري
  
  * إذا حفل أبو سعد بطل الرعد
  
  * السنة مرحبة والثريا مطير
  
  * في تشرين ينتهي العنب والتين
  
  * في سهيل بيهيل البلح هيل
  
  * وسومها على خشومها
  
  * إن كان القمح في البيت فرحت وغنيت
  
  * الوسم حرامي
  
  * الوسم ضيف
  
  * أول الوسوم لا تحوم
  
  * السموم في أول الوسوم
  
  * تشرين برده يبكّي المصارين
  
  * المطر البدري طريح
  
  * إن أوسمت على عيد لِدْ أحرث وقد
  
  * إن هدر الرعد إرمي واندم ولا تظل بلاش وتندم
  
  * عيد لد قد وجد
  
  * عيد لد يا مطر بيهد يا صيف بجد
  
  * عيد لد كل شداد يشد
  
  * يا مجرب لا تطلي جرباك قران احدعش وراك
  
  * في تشرين الخيل بيقل جريها وجري الكرمات بيزيد
  
  * اربط بكير وحل بكير وخود بقر مثل البكاكير
  
  * الشتا بعود والصيف بعمود
  
  * الأرض الشلف بدها حسيم طايب
  
  * اللي ما بيحرت في الشتا يستعطي في الصيف
  
  * السروة البدرية ما بتلتحق
  
  * الزرعة البدرية ما بتلتحق
  
  * كل بدري في المال فالح
  
  * قم قامك الويل ما انتاش من سرايين الليل
  
  * الفلحة ان ما أغنت سترت
  
  * شدة فلان زي الموسم
  
  * الشرط عند الحرت ولا القتال عند الصليبة
  
  * اللي ما بيحرت في الاجرد عند الصليبة بيحرد
  
  * اللي ما بيزرع في الاجرد عند الصليبة بيحرد
  
  * ارمي الحب واتوكل عالرب
  
  * إن مات ابوك وانت زغير عليك بزراعة الشعير
  
  * احرث احراثين والثالث قطيع الفاس ولا عشرة كثير الناس
  
  * المخبا بيكسر الحسيم
  
  * شغلك مثل حراث الجمال
  
  * عيد لد يا شداد شد ويا رماك هد
  
  * يا عيد لد يا قمح المواليدي
  
  * يا شعير لد يا قمح المواليدي
  
  * أجا المطر يا طالبين الغلا وشعيركو اللي بيضبو تاكلو في العزا
  
  * خيار تشريني شمني وارميني
  
  * خيار تشريني شمني ولا تشتريني
  
  * خيار اوله للسلاطين وآخره للمجانين
  
  * خيار اوله للسلاطين وآخره للجرادين
  
  * الخيار يطفي عالقلب نار
  
  * في تشرين يغبر العنب والتين
  
  * يا فلاح ازرع الشجر قبل ما يفوتك المطر
  
  * يا هنيالك يا زارع الشجر يا قاطع الثمر
  
  * شهر بربارة ياخد من الليل غباره
  
  * في عيد بربارة النهار ياخد من الليل غباره
  
  * عيد بربارة يطلع المطر من خزوق الفارة
  
  * في البربارة طلعت المي من قدوح الفارة
  
  * المربعانية يا شمس تحرق يا مطر تغرق
  
  * يا بتربع يا بتقبع
  
  *إن طلعت البربارة القمح يا بدارة
  
  * قلو تستغلو
  
  * إن طلعت البربارة القمح يا بدارة وحطو الشعير في الغرارة
  
  * إن طلعت البربارة حط الشعير في المطمارة والقمح يا بدارة
  
  * عليك بقمح الدبية واحذر من قمح تحت المية
  
  * يوم تظاوي البربارة رد الشعير في غراره والقمح يا بداره
  
  * أنا القمح برمح رميح بتقدم للضيف بلا غماس
  
  * الشعير للبعير
  
  * مثل خبز الشعير مأكول ومدموم
  
  * العز للرز والبرغل شنق حالو
  
  * ابدر عدس يوشوش وكرسنة تنادي وفول يقول الله لا يرحم ابو الجماعة اللي يدخل الهوا بينهم
  
  * إن غاب عنك الضاني عليك بالقضاني
  
  * كول عدس تفوت الفرس
  
  * إن أجت ميلادة رد العدس لبلاده
  
  * إن فاتك الميلادي خلي عدساتك للولادي
  
  * من ميلادة لباب الدارون رد بدارك يا مجنون
  
  * طلع الرنجس والحنون ضب بدارك يا مجنون
  
  * وايمتى بيطلع البرقوق رد بدارك عالصندوق
  
  * أصلك ومطر الكوانين
  
  * الشغل في كانون أسلم ما يكون
  
  * القت الثرى عالثرى
  
  * الثرى وصل الصينية
  
  * أجا كانون ولف الفحم والكانون
  
  * في كانون كن وعالبعير حن
  
  * في كانون الأصم بيشخ الحمار دم
  
  * سقعة الشعير بترمي البعير
  
  * في كانون الأصم اقعد في بيتك وانطم
  
  * في كانون الصحو فيه ظنون
  
  * ما بين ميلادة والغطاس لا تسافر يا ابن الناس
  
  * بين مغطاس وميلادة سوي لراسك جلادة
  
  * بين مغطاس وميلادة سوي لراسك لبادة
  
  * بعد كانون الشتا بيهون
  
  * إن غطس النصراني اشلح توبك الفوقاني
  
  * سعد دابح البرد فيه دابح
  
  * سعد دابح ما بيخلي ولا كلب نابح
  
  * في شباط بيضبو العير في الرباط
  
  * شباط ما عليه رباط
  
  * شباط جر العنزة بالرباط
  
  * سرحنا أول شباط عا زرعة العنبات
  
  * في شباط بيعرق الأباط
  
  * سعد السعود بتمشي المي في العود
  
  * بدور المي في العود ويدفا كل مبرود
  
  * راح شباط هالخباط ما أخد مني عنزة ولا رباط
  
  * أخويا يا آذار اربعة منك وثلاثة مني خلي وادي العجوزة الحزين يغني
  
  * شهر شباط لا يخلي عنز ولا زلاط
  
  * مر شباط لا اخد عنز ولا زلاط
  
  * لا تعد غنمك يا شاوي تيمرق التسعاوي
  
  * ضب غنمك يا شاوي لما يمرق التسعاوي
  
  * لن هل قران التسعاوي تفقد غنمك يا شاوي
  
  * سعد الخبايا بتطلع من الأرض الخبايا
  
  * شباط شبطنا وربطنا وروايح الصيف أجتنا
  
  * شباط الخباط يشبط ويخبط وريحة الصيف فيه
  
  * إن هل الدارون اطلق جملك يا مجنون
  
  * في آذار بيتساوى الليل والنهار
  
  * شمس الربيع تؤذي الرضيع
  
  * في آذار العجوز ما بتفارق النار
  
  * اذار شمس وامطار وينشف الراعي بلا نار
  
  * بين العقرب والنيساني ارفع غطاك الفوقاني
  
  * اذار ابو الزلازل والأمطار
  
  * اذار فيه سبع ثلجات كبار غير الزغار
  
  * في اذار ينشف الراعي بلا نار ويرمو الجزر للحمار وتمطر سبع مطرات
  
  * خبو خشباتكو الكبار لعمكو اذار
  
  * خبو الفحمات الكبار لهدرة من هدرات اذار
  
  * خبي جمراتك الكبار لعمك اذار
  
  * اللي بدو مرته تعيش يوقدها حطب عريش واللي بدو مرتو تموت يوقدها حطب توت
  
  * حطابة البسوة خمس قطع ما تسوى
  
  * حطابة الشيح بتاوي فيه قرش صحيح
  
  * حطابة البر بتسوى تسعة وتسعين عبد وحر
  
  * اذار ابو الزلازل والامطار، بتفتح العنقة، وبدحي الشنار، وينبل الراعي ويدفا بلا نار، وينادي يا معلمتي كبري الرغفان قصر الليل وطول النهار
  
  * اذار أبو الزلازل والأمطار، بحمض اللبن وببرطع الجمل، وتفتح العنقة والنبقة، ويبيض الشنار، والعجوزة بترمي الشقفة على باب الدار، وأوله سقعة وآخره نار
  
  * في آذار بتبيض العنقة والنبقة وأصغر الأطيار
  
  * في آذار بعشش الدوري وتورق الأشجار
  
  * في آذار بتحيى الأشجار
  
  * في آذار طلع بقراتك من الدار
  
  * الربيع يعدل عوج العراقيب
  
  * اطعم الربيع وبيت في السقيع
  
  * إن هل آذار كتف وارمي الزغار
  
  * في آذار افطم ابنك ولو انه قد الشنار
  
  * العنب في آذار قد دينين النار
  
  * إن احسم الزيتون في آذار هيئولو الجرار
  
  * إن فاتك الربيع عليك بالصقيع
  
  * في الربيع يكون السمن نقيع
  
  * إن شحت الأمطار عليك بالتخطيط في آذار
  
  * كسارة آذار مرمغة الحمار
  
  * الربيع دوم مش يوم
  
  * إن أخصبت وراها آذار وان أمحلت وراها آذار
  
  * إن خلص آذار اللي عمر عمر واللي بار بار
  
  * في آذار اللي نفع نفع واللي بار بار
  
  * السنة في آذار مثل الحرمة بإزار
  
  * في آذار بشنح عالنبات الحمار
  
  * الغنم غنيمة في الدار المقيمة
  
  * أوله للغنم وآخره للغنم
  
  * إن رعيت ارعى النوار والمرعى لا ترعى فيه
  
  * عين القاني ربيع تاني
  
  * غيّر مرعاك بتسمن معزاك
  
  * اللي عنده غنم بتموت له سخول
  
  * الرايب للحبايب والزبدة للنسايب والميص للمتاعيس
  
  * لو حطو الدريس عا الدريس لا بد من مطرة الخميس
  
  * مطرة نيسان بتساوي السكة والفدان والراقد عالصيصان
  
  * شتوة نيسان بتحيي كل عرق فان
  
  * شهر الخميس كل عرق أخضر ييبس
  
  * شتوة نيسان بتحيي الإنسان
  
  * النقطة في نيسان بتساوي كل سيل سال
  
  * الشتوة في نيسان جواهر ما الها اثمان
  
  * نيسان بلا شتا مثل العروس بلا جلا
  
  * إن طلعت غيمة قد الكارة بتروح الحرير خسارة
  
  * تطلع على نهر وتغيب على جمر
  
  * هوا السبل بيهد الجبل
  
  * هوا السبل بيطرح الجمل
  
  * عشرة حبل وعشرة سبل وعشرة حش وارمي للجمل
  
  * الخميس ان هاج رد الناس للمشاتي
  
  * مطرة الخميس بيرد الابل الى مخابيها
  
  * مطر الخماسين رد الإبل في مشاتيها زود الابعادي ولا حوار فيها
  
  * جاك نو الانصافي جز غنمك يا صواف واسكن روس الاشرافي ومن باب الشتا لا تخافي
  
  * يا فاطري إن فاتك نو السماكين جانبي وتحري نو داير
  
  * يا ناقتي ان فاتك نو السماكين جانبي وارعي من روس الرعايف واتحري نو ثاني
  
  * إن نوت جوزي بالريح، مضت السنة بالأرياح، لتاريخ نو الإنصافي
  
  * إن هب المصري يا كبر قرصي، وان هب الشمالي يا قطيعة عيالي
  
  * إن أخصبت وراها نيسان وإن أمحلت وراها نيسان
  
  * في نيسان الحصيدة وين ما كان
  
  * في الحسوم اشلح توبك وعوم
  
  * اشهد يا سهيل سجرنا، البل في الليل
  
  * دقاق الشيش ومعاط الريش بدور بلاقيش
  
  * ادلعي يا خبيزة ما في الخضار الا انت
  
  * من نقلت ما بقلت
  
  * أولها شربة وآخرها خربة
  
  * إن ورّق التين اعجني عجينك من غير تسخين
  
  * إن أجا الحوت البرد يموت
  
  * من باكر الصياد صاد
  
  * نية الصياد في مخلاته
  
  * الحظ صيد والكتابة قيد
  
  * ما يصيد القيق الا الصياد العتيق
  
  * العصفور بتفلى والصياد بتقلى
  
  * عيد التجلي يا صيف ولي ويا شتا هل
  
  * القي البرد بالجرد
  
  * اتقي البرد ولو بخلقة جرد
  
  * دفاها ولا مرعاها
  
  * الموت ولا فراق الموقدة
  
  * الدفا عفا
  
  * الدفا عفا ولو كان في الصيف
  
  * برد الصيف أحد من السيف
  
  * النار فاكهة الشتا واللي ما يصدق ينصلي
  
  * شمس الصيف أقسى من برد الشتا
  
  * في الشتا تقل فراشك وخفف غطاك
  
  * في الصيف تقل غطاك وخفف فراشك
  
  * الشتا ضيق ولو كان فرج
  
  * الصيف أوسع من الشتا
  
  * بحر الصيف واسع
  
  * غرّب سنة ولا تشرق يوم
  
  * الغربية بتجيب المطر والشرقية بتعمي البصر
  
  * شمّل يوم ولا تقبل سنة
  
  * إن بدك الرزق القليل اسكن غزة والخليل
  
  *الغرب فيه القضا والشرق فيه القدم
  
  * إن هبت مصري يا كبر قرصي وان هبت شمالي يا قطيعة عيالي
  
  * الشمالي بصفيها والمصري بيعمرها
  
  * صوفان صفيها
  
  * لو بدها تشتي لغيمت
  
  * إن غيم سماها ابشر بماها
  
  * إن سمك سماها ابشر بماها
  
  * إن استرق غيمها أثلجت
  
  * الغطيطة فراش الشتا
  
  * سنة تندي ما تردي
  
  * إن أثلجت أفرجت
  
  * كل غيمة وخيرها معاها
  
  * كل غيمة ومطرتها فيها
  
  * كل غيمة بمزتها
  
  * سحابة صيف عن قليل بتنقشع
  
  * إن أرعدت أبعدت وان أبرقت اقربت
  
  * برق شمالي ولا برق قبلي
  
  * إن أبرقت من الشمال بيجيك المطر من الشمال
  
  * إن أبرقت رضواني تباشر يا خالي
  
  * ما كل بارقة تجود بمائها
  
  * عسى البارقة ما تخلف
  
  * برق الصيف حاير في هيف ولا يسقي ظمآن
  
  * إن أمطرت عبلاد بشر بلاد
  
  * إن ولج سهيل لا تأمن السيل لو عقاب الليل
  
  * إن قوست صبحية دور عصاة الرعية وان قوست مسية دور مغارة درية
  
  * دار القمر غرارة ودار الشمس جرارة
  
  * خاف على دودك من دواير القمر، وان دورت الشمس تباشر بالمطر
  
  * الثلج ملح الأرض
  
  * بيدوب الثلج وببان المرج
  
  * بيدوب الثلج وبيظهر اللي تحته
  
  * كل واد على قد سيله
  
  * السيل ما يرد
  
  * الأرض الواطية بتشرب ماءها وماء غيرها
  
  * المية عالبير بدها تدبير
  
  * إن وردت أورد عالعد
  
  * من عقب ما كنت عد المروي اليوم صرت مشاش ما يوردون
  
  * من قلة هدانا انقلب صيفنا شتانا
  
  * في أيار احمل منجلك وغار
  
  * إن مشمش القمح انزل عليه وان مشمش الشعير ايش بدك فيه
  
  * جميلة الحصيدة ولا جميلة الحبيبة
  
  * بتروح الشدة الشديدة وبتيجي الغلة الجديدة
  
  * الجوع الكابس تحت الغمر اليابس
  
  * يا زريعة اللاش صار الشاقوق جحاش
  
  * اللقاط أحسن من الحصاد
  
  * ما ساقطة الا وراها لاقطة
  
  * احصد عالبدري قبل ما تيجي الشوبة
  
  * كثر الأيادي في الحصيدة بركة
  
  * المعلم قاسها الحلة على راسها
  
  * اللي أكلتو منو قومو عليه
  
  * من أعجبو الكرى صابح المارس
  
  * اللي بتعجبو الكروة برجع عالمارس
  
  * في أيار الغمر طيار
  
  * حط على غمره حجر
  
  * كل ما طالت ياما ترمي غمور
  
  * برد الغمر برمي الثمر
  
  * اللي ما ينام في جرنه بيستلف قوته
  
  * اللي عنده قمح بيقرضوه الناس دقيق
  
  * زيوان بلدنا ولا قمح الغريب
  
  * شعيرنا ولا قمح غيرنا
  
  * إن مر آب وما ذريت عدك بالهوا انغريت
  
  * لما هل آب وما ذريت اسمك من تبنك غريت
  
  * اللي ما بيحضر صليبته بتنزح البركات
  
  * أول صاع قطاع للنبي شعيب
  
  * أول الثمار بطول لعمار
  
  * صوص القمح بيرمح رمح
  
  * إطعم شعير وعبي بيض في القفير
  
  * إذا دارت الطاحونة في بلادها بشر أهلها بخيرها
  
  * مالك مجنونة قال من حر الطاحونة
  
  * قبل ما تسوّي الفرن اطّلّع عالجرن
  
  * في أيار يطلع المشمش والخيار
  
  * في المشمش
  
  * أكل المشمش مدهش
  
  * صوص المشمش بياكل وبيقمز
  
  * أيار توت ومشمش وخيار
  
  * أيار توت ومشمش وخيار وقمح جديد
  
  * أيار توت ومشمش وخيار وهيئ يا جميل لزرعك الجمال
  
  * أيار شهر الرياحين والأزهار
  
  * عيد الخضر حرام حط النير عالبقر
  
  * لا تعد بقرك إلا لما يفوت الزعقوق
  
  * الخصاب جنون والمحل أجن
  
  * تمحل على نهر وتخصب على جمر
  
  * تمحل على نهر وعلى جمر
  
  * إن كان الله راد بيخصبها عا الجمر
  
  * إن كان الله راد بيمحلها عالنهر
  
  * النوم في سنين المحل فايدة
  
  * زرعة القيقي والقمبر العتيقي
  
  * الجوع كافر
  
  * يا انجيدح يا جوز الثريا لاتصلها ولا ترجع ليا
  
  * لولا الكسورة ما عمرت الفاخورة
  
  * أضرب عالفخار يبين عيبه
  
  * في حزيران تطلع الثريا ويعتلي فيه الميزان
  
  * بتغيب على بزر وبتطلع على عجر
  
  * بتغيب ثريا على غمر وبتطلع على عجر
  
  * إن طلعت الثريا سرى المداد
  
  * في حزيران تبقى الذرة مثل الخيزران
  
  * كول جميز واشرب مية وايش ما جرالك علية
  
  * في تموز بتغلي المية في الكوز
  
  * تموز بيصير الصبر قد الكوز
  
  * في تموز يستوي الكوز
  
  * في تموز اقطف الكوز
  
  * تموز بعصر الكوز
  
  * تموز عصار الخشب
  
  * ظل الحجر ولا ظل الشجر
  
  * في الحجر ولا في الشجر
  
  * إن لوّزت جوّزت
  
  * إن خلفت أتلفت
  
  * إن دودت جودت
  
  * غريمك حجر يا لوز
  
  * آب اللهاب
  
  * رمضة الصيف تشوي البيض
  
  * السمبلة سم وبلا
  
  * في آب بتخلق السحاب
  
  * في آب كول العنب ولا تهاب
  
  * في آب اقطف العنب ولا تهاب
  
  * في آب اقطع الشرش ولا تهاب
  
  * إن طلعت الثريا والموازين دور مشاريق الصبر والتين
  
  * الجلد للجلد واللحم للحم والبذر للعظم
  
  * طل العنب والتين بطلو العجين
  
  * موسم التين فش عجين
  
  * القيض كول القيض والحقو بالبيض
  
  * كول أول العنب وآخر التين
  
  * التين اوله نقدود وآخره افوض
  
  * ادرو المساطيح من الريح
  
  * خلي القطين في خوابيه تييجي مشتريه
  
  * لا تقطع العنب للزبيب تيمر الصليب
  
  * اطعم دوابك في التين تلقاها في أيام الطين
  
  * رقد التين ياكل وينين ورقد البلح ياكل وينشرح
  
  * طل البطيخ بطلو الطبيخ
  
  * أيام عنبك وتينك تكثر محبينك وايام قشلو ونشلو ما حد بعينك
  
  * كولها نية ولا غيرك ياكلها مستوية
  
  * بتين وبلا تين ماضيات السنين
  
  * يا ريت التين 11 شهر وشهر قرارة
  
  * اللي في جيبه قطين بياكل بايديه التنتين
  
  * سل تين وسل جرير
  
  * الرمان بيملى القلب ايمان
  
  * اللي ما لو ملك يتف في كفه
  
  * اللي ما لو ملك يتبول في كفه
  
  * الأرض كالعرض
  
  * ما أغلى من العرض إلا الأرض
  
  * بياع أرضه ضاع عرضه
  
  * إرحل عن الأرض ولا تبيعها
  
  * الأرض لا بتنحرق ولا بتنسرق
  
  * اللي بيطلع من داره بينقل مقداره
  
  * اللي ما عنده عطن مالو وطن
  
  * اللي ملوش جذر بيموت قهر
  
  * بيع الذهب واشتري العتب
  
  * الأرض ما بتغلاش
  
  * الأرض بتحد بعضها لمكة
  
  * لا بيت ملك ولا طاحونة شرك
  
  * من طين بلادك حني خدادك
  
  * الأرض معادن
  
  * الأرض بالشبر قالو لا الأرض بالظفر
  
  * الزرع واحد والأرض محطات
  
  *ذرحة من الطين تسوى البرص كلو
  
  * قليل العقل يزرع في البرص بطيخ
  
  * أرض مالحة وسما قادحة
  
  * عن أرض العاقول قول
  
  * أرض العاقول بتقول وبتطول
  
  * أرض الينبوت موت فيها موت
  
  * أرض الشبرق الذهب فيها بيبرق
  
  * أرض النجيل بيصير فيها المستحيل
  
  * أحرت الأرض بالعرض
  
  * إتعب على أرضك تتعب عليك
  
  * ما بحرت الأرض الا عجولها
  
  * الأرض لا تخبر عا اللي بيها
  
  * سمعني طق المنكوش وخود مني دهب وقروش
  
  * اكلف أرضك تطعمك
  
  * يا مدور رزقك من زراعة الخير على وجه الوطا
  
  * إن لقيت البور لا تدور وان لقيت الحصيد يا تفلس يا تصيد
  
  * قل من الأرض واخدم
  
  * اداين وازرع ولا تداين وتبلع
  
  * الزرع البعيد عن بلدك لا ينفعك ولا ينفع ولدك
  
  * الأرض السايبة بتعلم الناس السرقة
  
  * اللي بحط الحد في مارسه برتاح
  
  * الزرع للزارع والأرض لاهلها
  
  * الأرض تعرى وتكتسي
  
  * بلدي مرية لو شح ما بيها
  
  * الأرض مش شهاوي هادي ضرب عالكلاوي
  
  * إللي مالوش في البحر مالوش روح
  
  * البحر غدار
  
  * البحر غول
  
  * هادا مركبك يا تركبو يا يركبك
  
  * إيد على ايد البحر ما هو بعيد
  
  * المركبة اللي فيها أكثر من ريس بتغرق
  
  * المركب اللي ما فيها لله بتغرق
  
  * الملوخية والسمك ما خلو في الدار ولا حنك
  
  * عند الرهام افرش ونام
  
  * كل برقة بغرقة
  
  * إن علي بحرها ابشر بمطرها
  
  * إن دق بحرها طاب سفرها
  
  * إن هدر شمالي اركبو تاني
  
  * عند الحسوم اشلح توبك وعوم
  
  * ما في طياب من غير عناصل
  
  * إن شلّقت بلّقت
  
  * القمر غاطس شدو الملاطش
  
  * فر أهون من فر
  
  * إن غرقت سفينتك الحقها رجلك
  
  * المية تكذب الغطاس
  
  * خليك مع التيار
  
  * امرق عن بحر هدار ولا تمرق عن بحر ساكت
  
  * مرت الصياد ممغوصة من طلعة الشبكة وعبرة البوصة
  
  * يا خالتي جوزك بحري ونص الليل بيجي يردحلي
  
  * داره على شط البحر
  
  * اللي يربط في قبتو حبل بيلاقي ألف مين يشدو
  
  * أبرد من الثلج
  
  * ابن ليلة يعرف الشيلة
  
  * اثنين في دار ما يدرى فيهم جار
  
  * احترم كبيرك بيحترمك صغيرك
  
  * أحر من الجمر
  
  * آخر آب الجو عاب
  
  * اخطب لبنتك قبل ما تخطب لابنك
  
  * إذا حصلت المحبة ارتفع التكليف
  
  * إذا فاتك السوق اتمرغ في ترابه
  
  * أرق من النسيم
  
  * اسأل قبل ما تناسب يبان للردى والمناسب
  
  * إسأل مجرب ولا تسأل حكيم
  
  * اشتغل بقرش وحاسب البطال
  
  * أصلك يردك
  
  * اضرب الطينة بالحيط إن ما لزقت بتعلِّم
  
  * أضيق من سم الخياط
  
  * اطعم الضارى وخلي المشتهي
  
  * أعزب دهر ولا أرمل شهر
  
  * أعطي الخبز لخبازه ولو أكل نصه
  
  * اعمل معروف وارميه في البحر
  
  * أكل الرجال على الرجال دين وأكل الرجال على الأنذال صدقة
  
  * الإبن الفاسد يجيب لأهله المسبه
  
  * الإسكافي حافي والحايك عريان
  
  * الأسى ما بينتسى
  
  * الأم تعشعش والأب يطفش
  
  * الباب اللي يجيك منه الريح سدو واستريح
  
  * البدّار عارف شو طالع من ايده
  
  * البرد سبب كل عله
  
  * البنت بلا حلق، دالية بلا ورق
  
  * البيت اللي تاكل منه لا تدعي عليه بالخراب
  
  * البيت اللي رباني ما بينساني
  
  * التم المتعوس على خايب الرجا
  
  * الجار للجار ولو جار
  
  * الجود من الموجود
  
  * الجوعان يأكل عواد المكانس
  
  * الحر كرامته رأس ماله
  
  * الحر ما يتنكر لأصله
  
  * الحركة ولود والسكون عاقر
  
  * الحيط الواطي كل الناس بتنطه
  
  * الخال والد
  
  * الخط الأعوج من الثور الأبرق
  
  * الدراهم مراهم
  
  * الدعوة بتدور بتدور ع سبع بحور وبترجع لصاحبها
  
  * الدهر دولاب يوم معك ويوم عليك
  
  * الديك الفصيح من البيضة بصيح
  
  * الرجال مخابر مش مناظر
  
  * الرغيف اللي بيلمع للصاحب اللي بينفع
  
  * الزيارة غارة
  
  * الزيتون ملّك العاجز
  
  * السر إذا جاوز اثنين شاع
  
  * الشب الغاوي شو ما راد يساوي
  
  * الشحادة عادة
  
  * الشر سياج أهله
  
  * الشين شين ولو عجنوه بقنطار عسل
  
  * الصراحه راحة
  
  * الصغار زينه الدار
  
  * الصلح سيد الأحكام
  
  * الظفر ما بطلع من اللحم
  
  * العاقل وديه ولا توصيه
  
  * العرق دساس
  
  * العرق يسوس ع سبع جنوس
  
  * العز يليق بصحابه
  
  * العقدة اللي تحلها بيدك لا تحلها باسنانك
  
  * العقل زينه واللي بلاه حزينه
  
  * العين بتعلاش على الحاجب
  
  * الغربة كربة وهم للركبة
  
  * الغصن مني ولو مال
  
  * الفاضي بيعمل قاضي
  
  * الفلاح يبذر حبه وبيتكل على ربه
  
  * الفنجان الأول للضيف والثاني للكيف والثالث للسيف
  
  * القاعد حجير والماشي طير
  
  * القرد في عين أمه غزال
  
  * القط حج سبع حجات وما بطل قنصاته
  
  * الكعكة بيد الفقير هجنه
  
  * اللي أمه خبازه ما بيجوع
  
  * اللي بتزوج أمي بصير عمي
  
  * اللي بتطلع لفوق رقبته بتنكسر
  
  * اللي بخاف من العقرب بطلع له
  
  * اللي بدق الباب بسمع الجواب
  
  * اللي بدو الدح ما بقول اح
  
  * اللي بسعدها زمانها بتجيب بناتها قبل صبيانها
  
  * اللي بلاعب القط يصبر ع خرابيشه
  
  * اللي بقعد مع العوران لازم يعوّر عين
  
  * اللي بيته من قزاز ما يرمي الناس حجارة
  
  * اللي بيزرع الخير يحصد البركة
  
  * اللي خلفه أبوك لك ولأخوك
  
  * اللي على راسه جره يتلمسها
  
  * اللي عنده مال محيره يشتري حمام ويطيره
  
  * اللي ما باخذ من ملته يموت بعلته
  
  * اللي ما بيشقى ما بيلقى
  
  * اللي ما عنده زرع ما عنده قلع
  
  * اللي ما لو كبير بيشتريلو كبير
  
  * اللي ما ياخذ من قدره، دق البين سدره
  
  * اللي ما يزم القدح بيده ما يروى
  
  * اللي ما يطل العرجون بيقول ما أمرُّه
  
  * اللي ما يطول قطف العنب، بقول حصرم
  
  * اللي مالو ظهر بنضرب على بطنه
  
  * من إيده الله يزيده
  
  * اللي من دمك ما يخلو من همك
  
  * اللي يحب الورد يتحمل شوكه
  
  * اللي يحضر السوق بتسوق
  
  * اللي يزرع زرعين ما يخيب
  
  * اللي يصبر ينول
  
  * اللي يطلع من ثوبه يعرى
  
  * الممارس غلب الفارس
  
  * المنحوس منحوس ولو حطوا على راسه فانوس
  
  * المنية ولا الدنية
  
  * الموت بين الناس نعاس
  
  * المي لا تمشي إلا بمجاريها
  
  * النار ولا العار
  
  * الولد البكر يحيي الذكر
  
  * الولد ولد ولو صار قاضي بلد
  
  * آمن من حَمام الحرم
  
  * إن كانت الحية بتنحط بالعب، عمر العدو ما بينحب
  
  * إن مال عليك الزمان ميل على ذراعك
  
  * أهل السماح ملاح
  
  * أهلك لا تهلك
  
  * أول قرى الضيف البشاشة
  
  * ايد واحدة ما بتصفق
  
  * بات مغلوب ولا تبات غالب
  
  * بارك الله في الدار الوسيعة والفرس السريعة والمرة المطيعة
  
  * بزمان الخير ما غنينا يا ليل
  
  * بناتي فراشي وأولادي غطاي
  
  * بنت الرجال عانت واستعانت، وبنت الأنذال حطت راسها ونامت
  
  * بنت العم بتصبر على الجفا
  
  * تراب العمل ولا زعفران البطالة
  
  * جاجة حفرت على راسها عفرت
  
  * جارك القريب ولا أخوك البعيد
  
  * جاي من البرية وتاخذ الأولية؟
  
  * جوزت بنتي لارتاح من بلاها أجتني وأربعة من وراها
  
  * جوزك على ما عودتيه وابنك على ما ربتيه
  
  * جوعة على جوعة تخلي القلب لوعة
  
  * حتى يشيب الغراب
  
  * حظ يفلق الصخر
  
  * حلم الجوعان عيش
  
  * حمر المطايا ما جابها النوّام
  
  * حيِّل النسوان غلبت حيِّل الغيلان
  
  * خذ الأصيلة ونام على الحصيرة
  
  * خلقة باب بيرد الكلاب
  
  * خير عادة ما تتعود عادة
  
  * درهم حظ ولا خزاين مال
  
  * دق الحديد وهو حامي
  
  * دق ع الفخار يبين عيبه
  
  * دوام الحال من المحال
  
  * رب ابنك واحسن أدبه، ما بموت تا يخلص أجله
  
  * رجل في السوق ولا مال بالصندوق
  
  * رعاية البقر ولا رعاية البشر
  
  * ستر البنت زواجها
  
  * سلاح البنت مراية ومشط
  
  * سيف الأهل من خشب
  
  * شعرة على شعره تساوي دقن
  
  * صابح القوم ولا تماسيهم
  
  * صاحب الصنعة مالك قلعة
  
  * صبرك على نفسك ولا صبر الناس عليك
  
  * إقلب الجرة على ثمها تطلع البنت لأمها
  
  * طول ما الكيس ملان بيكثروا الخلان
  
  * عدو جدك ما بودك
  
  * عصفور في اليد ولا عشرة على الشجرة
  
  * على قد فراشك مد رجليك
  
  * عمر الحية ما صارت خية
  
  * عمر الدم ما صار ميّ
  
  * عمر العدو ما صار حبيب إلاّ لما يصير الحمار طبيب
  
  * عمر عواد ما يعيدها
  
  * عيشة الفهيم مع البهيم داء دفين
  
  * غلطة الشاطر بألف
  
  * غناه من مرته وفقره من مرته
  
  * فت الشبعان على الجوعان بشويش
  
  * فرس الباغي عثور
  
  * فكرت الباشا باشا، تاري الباشا زلمه
  
  * فلاح مكفي سلطان مخفي
  
  * فين كنت أيام الحصايد كنت أغني قصايد
  
  * قالوا للأرنبه كلي، قالت تا أسلم بلحماتي
  
  * قبل ما تدور على مرة دوّر لابنك على خال
  
  * قلع الضرس ولا وجعه
  
  * قيراط بخت ولا قنطار شطارة
  
  * قيس قبل ما تغيص
  
  * كثر الرفرفة يكسر الجناح
  
  * كسرنا الدف وبطلنا الرقص
  
  * كلمة بتحنن وكلمة بتجنن
  
  * كلنا أولاد تسعة
  
  * لا يموت الذيب ولا تفنى الغنم
  
  * لو بشوف الجمل حردبته كان بيوقع وبيكسر رقبته
  
  * ما بعنا بالكوم غير اليوم
  
  * ما في شدة إلاّ وراها فرج
  
  * ما ضاع حق وراه مطالب
  
  * ما يبكي على الولد إلاّ اللي رباه
  
  * ما يطلع من دار المطبلين غير المزمرين
  
  * ماحدا طلع من بطن أمه متعلم
  
  * مال الحرام ما بيدوم
  
  * مثل البوم ما بنعق إلا بالخراب
  
  * مثل القرعة بتتباهى بشعر بنت أختها
  
  * معك قرش، تسوى قرش
  
  * من أمّنك لا تخونه ولو كنت خاين
  
  * من حرص ما انقرص
  
  * من خلى حاله حب أكله الدجاج
  
  * من رقعت ما عريت، ومن دبّرت ما جاعت
  
  * من طلع من داره قل مقداره
  
  * من عاشر القوم أربعين يوم صار منهم
  
  * من غربل الناس نخلوه
  
  * من يمسك إصبعه صحيح لا يدمي ولا يقيح
  
  * ميه مالحة ووجوه كالحة
  
  * ناس في هناها وناس في عزاها
  
  * نص البطن بغني عن ملاته
  
  * نوم السراري للضحى العالي
  
  * هم البنات للممات
  
  * هين فلوسك ولا تهين نفوسك
  
  * وجع ساعة ولا كل ساعة
  
  * يا رايح كثر الملايح
  
  * يا فرعون مين فرعنك، ما لقيت حدا يردني
  
  * يا معمر بغير بلدك ما هو إلك ولا لولدك
  
  * ايد الحر ميزان
  
  * يكفيك شر جوعان وشبع
  
  * ينام اللي ما على قلبه هم
  
  المصدر:
  
  كتاب: الجغرافية الفولكلورية للأمثال الشعبية الفلسطينية
  
  المؤلف: سليم عرفات المبيض
  
  دار النشر: الهيئة المصرية العامة للكتاب
  
  سنة النشر: 1986
  

  مواضيع ذات صلة
  دام عزك ياوطن "اليوم الوطني الـ 82 "للمملكة العربية السعودية.
  محبات السلاسل الكبيرة
  مجموعة الحقائب الكبيرة هي الأحدث لدى MANGO
  اطعمة تساعد على فقدان الوزن
  شاهدى نمو الجنين داخلك بالصور ومعلومات قيمة
  قصة ام المؤمنين ميمونة بنت الحارث الهلالية رضي الله عنها
  العروس الي تبي الناس مايعرفونها ويقولون واااوو على التغيير تدخل.الدفعة الاولى
  بطاقات حب رومانسية تصميم المطروشيه المجموعة الأولى
  جهاز مسك افضل جهاز محمول لحفظ القران لطلاب الحلقات والمدارس
  قصة ام المؤمنين جويرية بنت الحارث رضي الله عنها
  الأمثال الشعبية في الحياة الفلسطينية
  الحكاية الشعبية الفلسطينية
  

  
  

• 12-31-2011 | 05:14 AM12842♥نسمة حريه♥
• امتال جميله سلمت يمناكي على الطرح الجميل

• 01-02-2012 | 02:29 PM12842"امل حياتي"
• بارك الله فيك على الطرح المميز 
  تحياتي 
  
  

• 01-04-2012 | 09:39 PM12842**سوسو **
• شكرااااااااااااااااا جزيلااااااا

• 07-30-2012 | 11:43 AM12842فلسطينية عربية
• تسلمي
  
  
  الامثال الشعبية دليل على التراث الفلسطيني يلي بحاولوا الصهاينة طمسه , لذا يجب المحافظة عليها

• صفحة 1 من 2
• | لمشاهدة الصفحة القادمة

• « هل على المسلمين دور إزاء القدس وإزاء فلسطين ؟ وإذا كان عليهم دور فما هو ؟ | شعر على البلد الاعتزاز فلسطين »

Powered by vBulletin® Copyright ©2000 - 2020,

النسخة الكاملةتسجيل خروج

تابعنا علي

• الرئيسية|
 
• Advertising with Us|
 
• Privacy-Policy سياسة الخصوصية|
 
• اتصل بنا

Search Engine Optimization by vBSEO 3.6.0