امثال وحكم تونسية

الرئيسية

حكم وأمثال شعبية تونسية

للأمثال قيمة عظيمة لما تحمله من معاني ودروس وعبرة، وتعد الحكم والأمثال الشعبية تراث شعبي، وهي ناتج للعديد من المواقف التي مر بها الكثير من الاشخاص، وفي هذا المقال جمعت لكم أفضل الحكم والأمثال الشعبية التونسية ضمن سلسلة الحكم والأمثال الشعبية العربية.

أجمل الحكم والأمثال الشعبية التونسية

• أسمع كلام اللي يبكيك وما تسمعش كلام اللي يضحكك.
• عروسة وزغرطولها في ذنيها.
• البير بير والماجل ماجل.
• ابني وعلي وموت وخلي.
• اللي في القدر يجيبه المغرف.
• العار أطول من الأعمار.
• عاش ما كسب مات ما خلى.
• اللي عنده كسوة ما يبيعها، برد تونس في ربيعها.
• بوس الكلب من فمو حتى تقضي حاجتك منو.
• اللي يعمل الخير ما يشاورش.
• ربي اللي عطاك، يعرف باب دارنا.
• الدنيا قش، واللي يتنفخ يتفش.
• تبع السارق حتى لباب الدار.
• ولدها فوق ظهرها وهي تلوج عليه.
• طاح القدر وفات العيشة.
• اللي يعرف عزو كلام الناس ما يهزو.
• المتسلفة مردودة.
• لسانك صوانك إذا صنتو صانك واذا خنتو خانك.
• تمشي عباد وتجي عباد وما يبقى كان حجر الواد.
• اللي ضاع صباحو ضاع ربحو.
• عاش شاهي عنبة مات جابولو عنقود.
• ولد الفار يطلع حفار.
• صباح الخير يا جاري، انت في حالك وانا في حالي.
• زيد الماء زيد الدقيق.
• الرجل الخفيفة تستاهل القص.
• حط الفلوس على فم الميت يضحك.
• ضيق المراح يعلم النط.
• هو المدور كلو كعك والمنقب كلو زلابية؟
• اللي ما شافش المرمة ما يعرفش اش فما.
• أعمل الخير وارمي في البحر.
• اللي مغطي بمتاع الناس عريان.
• عشرين ابره ما يجو في مخيط.
• اللي كلا وحلى كيف إللي بنى وعلى.
• ظريف الجبالة، جا يشعل القنديل حرق النوالة.
• الحنضلة ما تولي تفاحة والخرشي ما تبان فيه ملاحة.
• عاش يتمنى في عنب مات جبولوا عنقود ما ينجح فنان الغلبة إلا من تحت اللوحود.
• اش يخرج العروسة من دار بوها.
• اللي شاهي شهوة يديرها في عشاه.
• بو سعدية خايف من الكلب والكلب خايف من بو سعدية.
• ربي ما ينساش عباده.
• المكتوب على الجبين لازم تراه العين.
• تبني وتعلي، تمشي وتخلي.
• إذا كان المتكلم مهبول، يكون السامع عاقل.
• هان الحرير، حتى ربطوا بيه الحمير.
• عاشرني مليح ومن بعد شوف كلام الناس غالط وإلا صحيح.
• ناس هوما هوما وناس كي العسل في القرجومة، وناس ملك الموت ولا هوما.
• صاحب صنعتك عدوك، ولو يكون خوك.
• إذا عييت إحسب روحك كيف بديت.
• زيد ع الكنة، سمراء وبالخنة، ومكسورة السنة.
• اخسر وفارق وقول ملا راحة.
• حل الصرة تلقا الخيط.
• الحقار يموت ذليل.
• هروب في تل ولا تخرميد في غابة.
• الضحكة تجي عند راس الميت.
• لشكون تحرقس يامرة الاعمى.
• إذا كان الفطور طبيخة يجي الدرك على الطماطم.
• أعمل الخير وأنساه واعمل الشر وتفكره.
• عوج يزوك منو البقر.
• إذا غاب عليك اصله أنظر أفعاله.
• اللي برجو بالمرمة يموت في سطل بغلي.
• ذيل الكلب حطوه 100 سنة في قصبة طلع أعوج.
• الباي باي حتى في شكارة.
• اشرب ولا طير قرنك.
• هو يقولو ثور والاخر يقولو نحلبوه.
• عاشر يا معاشر لا بد منها الفرقه.
• إذا وكلت شبع واذا ضربت وجع.
• اش ايقول الميت قدام غاسلو.
• ظربتين في الطبل يقعروه.
• باب النجار محطم.
• ما يدوم في الواد كان حجرو.
• ربي موجود على عباده يجود.
• تبرى الدبرة يا صبرة وتبرى عليها الضميدة، وكلمة السوء يا صبرة كل يوم تصبح جديدة.
• جاء يعاون فيه على قبر بوه هربلو بالفاس.
• على البوهالي طلق مرتو وعطاهالي.
• الباهي باهي كان يقوم من النوم والمشوم مشوم كان يعوم كل يوم.
• صنعة بوه لا يعايروه.
• زير متكي، لا يضحك لا يبكي.
• هات عظمة اليوم، وخوذ دجاجة غدوة.
• الليل للنعاس والنهار للدراس.
• اسأل مجرب ولا تسأل طبيب.
• حسبنا حساب اللفعة والعقرب ما جاتش عالبال.
• ضرب البنادر يشطح.
• أعمل الفرض وانقب الأرض.
• اخدم يا تاعس، على هاك الراقد الناعس.
• اللي تحرق من الشربة يولي ينفخ على السلاطة.
• هم بهم، هم دار بابا أولى.
• الرجال تكسب والطحانة تحسب.
• كانك خياط تبع الغرزه.
• البهيم تبدل والكريطة هي هي.
• اش تعمل يا عمايلك.
• بات على غيظ وما تصبح على ندم.
• ربي يحبس علينا العقل والدين.
• اللي عنده ولاد ما يعضم على السراق وإلى عنده البنات ما يعضم على الزانيات.
• تبديل السروج فيه راحة.
• ما دواء الكفر كان سبان الدين.
• المغروم يجدد والبراني على برة.
• اعمل روحك مهبول تعيش.
• جاء يحرقسلها عماها.
• على زهر اليتيمة خرج القاضي من المدينة.
• صبر على صبر يوصلوا للقبر.
• ماذا من متهوم في الباطل شنقوه, وماذا من قتال ستر الله غطاه.
• حنانة الدجاجة بلاش بزازل.
• اللي مستدعي في نهارو يقعد في دارو.
• زيتنا في دقيقنا وخيرنا في خميرنا.
• الخطوة تدل على المسير والبعرة تدل على البعير.
• ضرب الملاح تفاح.
• أعمل كيف جارك وإلا حول باب دارك.
• ابكي يا قلبي علي ماتو وما تبكيش علي فارقك في حياتو.
• اللي تشكيلو يبكيلك.
• الحرث المغشوش خطوطو خسارة.
• ما يغلب السارق كان القطعي.
• ذيل الكلب حطو في القالب 40 سنة عمرو ما يتقد.
• البقرة كي تطيح تكثر سكاكينها.
• عروسة ونافسة وليلة عيد.
• اش كون شكار العروسة أمها وخالاتها.
• اللي ما تعرفش تشطح اتقول الأرض عوجة.
• كل من سمن يهزل وكل من طار ينزل.
• بات مظلوم وما تباتش ظالم.
• خبزو مخبوز و زيتو في الكوز.
• ربي يعرف ميمونة وميمونة تعرف ربي.
• تعطيهم عينيك يطمعوا في حواجبك.
• ما يغلب الرطل كان الكيلو.
• الثنية طويلة والعبيد مشاي.
• إذا خذيت بنت عمك تزينك.
• عريان يسلب في ميت.
• ثنيه طويله آش يمشيها وعصا حديد آش يلويها.
• جاء يطبها عماها.
• صابة أولاد خير من صابة مال.
• زين القطوسة تولي عروسة.
• الحجرة ما تذوب والي فيه طبة ما يتوب.
• من فم البير ولا من قاعو.
• ضربة من يد معلم ولا عشرة من يد صانع.
• الباب اللي يجيك منو الريح سدو واستريح.
• اللي يجيبه الخريف، يديه الشتا.
• أعمل يا خصيب تصيب ما تجيكش في البقرة تجيك في الحليب.
• اللي خلق ما يضيع.
• راس الفرطاس قريب لربي.
• ما يبكيلك كان شفرك وما يحكلك كان ظفرك.
• البل (الإبل) تتبع كبارها.
• كل شاه معلقة من كراعها.
• الشنقة مع الجماعة خلاعة.
• اش لزك حتى الواد يهزك.
• عريان مع عريان ما يتقابلو كان في الحمام.
• بات ليلة حذا الجران صبح يقرقر.
• ربي يعرفنا باللي خير منا.
• الفلوس وسخ الدنيا.
• اعطيناكم الفخار، أعطونا الصلاح.
• مطر مارس ذهب خالص.
• تعاركوا الاخوات جدت على البهلولات.
• جاي من تالي ويعيط يا مالي.
• عريان وفي يده خوسه.
• الحركة بركة والبطالة هلكة.
• صام نهار من رمضان، قال العيد اش ما زالو؟
• ما يجي لبوه كان الفكرون.
• الدنيا يومين يوم لك ويوم عليك.
• الصحبة صحبة والنية ما فماش.
• زيادة الخير ما فيها ندامة.
• الخو بخوه والعدو بعدوه.
• خمسة وخميس الحاضر محمد والغايب إبليس.
• ضربني وبكى سبقني وشكى.
• الطول صابة والعقل عجرودة.
• أعمل يا خصيب تصيب كان ما طلع في الزبدة يطلع في الحليب.
• المجراب تهمزه مرافقه.
• اللي تلمدو النمالة في عام ايهزو الفيل في عفسة.
• الصوم بلا صلاه كالراعى بلا عصاه.
• ما ناقص المشنوق كان ماكلة الحلوى.
• ربي من فوق يخلص الحقوق.
• الجمل مايراش كربته يرا كربة غيرو.
• عزوزة.. وشدت سارق.
• اش يشبع الجمل من التفاف.
• الله يرحم من قرا وورى.
• كسرة والوجه باشر ولا لحمة والوجه كاشر.
• بات ليلة سردوك ولا 10 دجاجة.
• الدار داركم والعشا مالسوق.
• ما دواء الفم لبخر كان السواك الحار.
• راس القرطلة خامج.
• تعدى على واد هرهار وما تتعداش على واد ساكت.
• جات المهبولة تعرس هرب الطبال من المدينة.
• عزوزة هازها الواد وهي تقول العام صابة.
• ما يغلبك كان اللي يقولك أعطيني متاعي.
• الله يرحم من ولد وربى.
• صحتي خير من مالي، خير من خرصي وخلخالي.
• الطبيب الزقلي قتلو صانعو.
• زيت النضوح يسرح البلحوح.
• الكلب كلب وكان يغطسوه في الذهب.
• ما تدوم غمة على أمة.
• الوسادة تغلب الولادة.
• خالتي وخالتك وتفارقوا الخالات.
• ضحكولو تمد على طولو.
• الثار يمحي العار.
• اللي متعدي على زرع الناس، حط زرعك في الثنية.
• أخطى رأسي واضرب.
• كل شيء أحباس إلا النظر يا ناس.
• العم عماني والخال خلاني والبو شق السبع بحور وجاني.
• ما دواء الكساد كان الفساد.
• اللي تلمو النمالة في عام يطبو الجمل فرد فم.
• عصفور في اليد ولا عشرة فوق الشجرة.
• منكوب وناقص ركوب.
• ابك على البقره أم الثّور حراث.
• الفم يبوس والقلب فيه السوس.
• الجرح يبرا يا صبرا وتبرا عليه الضميدة، أما كلمة السوء تبات ومن غدوة تصبح جديدة.
• راسي وراسك يا مهمومه اني لغراب وانت البومه.
• اشكون امشى للقبر وجاب الخبر.
• عزوزة ما إهمها القرص.
• باش اموالفا يا قديدة؟ قالت بالملح والشريطة.
• النعجة تتفوخر بلية العلوش.
• الفم ما يقول لا والقضية ما تتقضى.
• طول السلك يتلف الابره.
• مطر أفريل اطلع السبولة من قاع البئر.
• تاجوراء ما رتيش عمر.
• جاب الصيد من وذنه.
• ما خلطش للعنبة قال قارصة.
• العشرة اللي هانت يا ليتها ما كانت.
• صنعة المغبونة، الرحى والطابونة.
• الذهب يرق يرق وما يتقطعش.
• زين الطفلة في البياض والرياض والفخاذ العراض.
• اليد في القصعة والعين في اللسعة.
• مبركك يا راجل امي لول.
• خاف ملي ما يخافش ربي.
• الرخ لا.
• ضربها راجلها دارت على سلفها.
• أضرب القطوسة، تتربى العروسة.
• كلام الليل مدهون بالزبدة تطلع عليه الشمس يذوب.
• اللي جابتو ساقيه العصا ليه.
• حرث العجول ما يكبر نوادر.
• البهيم كي يطيح يعمل فيها يتمرغ.
• المتنقلة مذبالة ولو تكون عروقها في الماء.
• علموه وحاروا فيه.
• ماذا من فقر يشبه للغنى وماذا من غنى يشبه للفقر.
• اش مدخل بسم لله في عشانا.
• طول بلا غلة.
• باش تكره روحك يا يتيم؟ قال بالجهد والمعين ربي.
• راقد على صدرها وناوي غدرها.
• ما يحرق بالنار كان العزيز الجبار.
• العبد في التفكير والرب في التدبير.
• تعارك الريح والبحر جات الضربة في المراكب.
• عملوها لوزر ووحلت فيها لبقر.
• ما تقول طق كان ما فيها شق.
• جرح الاخوة يبريه الدفال.
• صام صام وفطر على بصلة.
• العرس في باجة وأهل جندوبة تصفق.
• العشرة تحك النحاس.
• خرطة ولا ورطة.
• العوج يزوك منو البقر.
• ضربة بموس ولا ريح معكوس.
• حمورية في الوجه ولا غصة في القلب.
• الأعمى كيف يرجع يشوف، يلوح العصا الي مشاته.
• كول وإلا طير قرنك.
• الدار بلا صغير كيف الجابية بلا بير.
• ما را عيشة في سوق الخميس.
• اللي حبك حبو ما تفرطشي فيه، واللي بيعك بيعو وما تسألشي عليه.
• عيطة وشهود على ذبيحة قنفود.
• المحبة ما نحبك والصبر ما نصبر عليك.
• حوتة وخمسة وقرن غزال.
• طلقها.. وعشقها.
• الطويلة تقضي حاجتها والقصيرة تنادي جارتها.
• اش لز حمه يغني.
• عمرو الخاتم ما يولي خلخال، وعمرو المال ما يرفع الانذال.
• باسها داخ راسها، صلى العشاء لقاها نافسة.
• راقد ورجليه في الماء.
• ما تشكر إلا ما تعاشر وبعد العشرة تبان الناس الملاح.
• مش كل أبيض شحمه ولا كل أسود فحمه.
• تعارك سعد ومسعود هزو مباركة للحبس.
• الزبدة لزبيدة والخرية لعبيدة.
• جزار يعضم على مراقزي.
• صبيع بنية عمران فطرت عليه رمضان.
• الصبر كته والقلق مضره, وما يصير حلو كان بعد المره.
• النوم بطل العالم.
• كي يموت الجمل تتفرق العدايل.
• بعد ما كلا وإستهل قال عشانا بالبصل.
• حلو و مر حتى يتعدى العمر.
• قالو شنوه إلى دخلك في الحيط يا مسمار؟ قالو من الهم إلى ورايا.
• أطول من ليالي الشتاء.
• كيد الرجال كيدين وكيد النسا سطاش «ستة عشر».
• اللي خاف نجى.
• بنت العم مفكوكة من الجحفة.
• العروسة طويلة والباب قصير.
• كثر الهم يضحك.
• ملس من طينك، إذا ما جاء برمة يجي كسكاس.
• عين تندب وعين في إسماعيل.
• اش مقعدك مع النخالة حتى يبربشك الدجاج.
• ظن عاقل خير من خبر سفيه.
• بعد السيف علق منجل.
• تزرع تفاحة تطلع هندي.
• رجعت حليمه، لعادتها القديمة.
• كل بقعة مقابلة وجه ربي.
• ترهدين النعجة ما يفهمو كان السارح.
• عزيز النفس يعطي الحق ما يطلبوش.
• حج وزمزم وجاء للبلاء متحزم.
• جا يقلد في مشية الحمام نسى مشيتو.
• من فمك ولا من فمي.
• صبري على روحي ولا صبر الناس علي، نداوي جروحي بروحي ولا من يعلم بيا.
• العشق بعد الستين كيف المشي في الطين.
• ميات خطوة ولا تنقيزة.
• كبش كي قرقنة.
• لا دخل ايدك للمغاغير لا تلسعك الحنوشه.
• حط ولدك مع البهيم إذا ما علمو النهيق، إعلمو الشهيق.
• حظر الحصيرة قبل الجامع.
• قلل ناسك يرتاح راسك.
• حيوط مدرقة وهموم مفرقة.
• أولنا صغار واخرنا صغار.
• كيف سيدي كيف جواده.
• اللي خلى النبات، ما مات.
• نواصي وعتب والبعض من الذرية.
• كي لحمة الكرومة متاكلة ومذمومة.
• خويا من بابا كيف النار اللهابة، وخويا من امي كيف العسلة في فمي.
• عارك وخلي للصلح مكان.
• النخالة ما تصير دقيق والعدو ما يصير صديق.
• اللي يريدك ريده، واللي يبغظك زيده.
• اش يقول المريض قدام زريقتو.
• ناري عالعياري مات وما خذاليشي ثاري.
• خانتها ذراعها قالت مسحورة.
• طاح الكف على ظلو.
• بهيم وقدم قرعة.
• رضينا بالهم والهم مارضاش بينا.
• كي السمنة عل العسل.
• تعارك مع صاحبو في الشارع روح إلى مرتو طلقها.
• على جال الزيت تتعدى الفيتورة.
• دار بلا كبير كيف سانية بلا بير.
• جا يقول صحة قال سداف.
• خلات راجلها ممدود ومشات تعزي في محمود.
• صب الدوا في العين العورة.
• نهار الخميس من صباحه يبين، المرا في الحمام والراجل تزين.
• اسال على دينك حتى يقولو مهبول.
• لا تحل عين ولا توحل في سدانها.
• داخل سوق البصاصين بلا ترمة.
• لا تجري جري غزال في مهمودة.
• خوك خوك ولا يغرك صاحبك.
• قالو ويني وذنك قالو هاويني.
• الماء الماشي للسدرة، الزيتونة أولى به.
• أحييني اليوم واقتلني غدوه.
• خوذ بنات الاصول لعله الزمان يطول.
• عيشة كسبت غرزة وحمد دار حصان.
• ربي عنده ياسر ومخبي.
• في التراب ولا لولاد الحرام.
• نحي من الجابية حط في الخابية.
• دوخة تدخل مالباب تخرج مالخوخة.
• اللي والف بالحفى، ينسى صباطو.
• كل نص يميح لنصه، واللي ماح لغير نصه، عقله خصه.
• فمي مغلوق وقلبي صندوق وربي من فوق يخلص الحقوق.
• الناس تعرف الناس والخيل تعرف ركابها.
• اهو قيم فيها لاذان.
• ريح السد يهز ما يرد.
• طول العشرة تعرفك الذهب من القشرة.
• ناس قبل خلاوها مغربلة.
• بهيمك النكاس ولا قعدانك للناس.
• ريض لا تصبح مريض.
• رتاحت العمشة من غسيل الصابون.
• تعيش الكلاب في روس المجانين.
• جاك الموت يا تارك الصلاة.
• هرب من عزرائيل، جا لقباض الأرواح.
• في الزمان المعكوس، الذنابي تولي روس، ويسكت المنيار ويتكلم الخنفوس.
• عود الصيف ينفع في الشتا.
• سبعة صنايع والبخت ضايع.
• صاحب النفس موش صاحب.
• الدوام يذوب الرخام.
• لا تحرم حبيبة من زبيبة.
• راحة البال ما تتشرى بالمال.
• سمعنا بالخميرة عملنا ما يقطع المصارن.
• هم الدين وهم العين وهم الضرس فوقهم الاثنين.
• خوذ واعطي وشارك الناس في مالها.
• قامت القيامة وشاشت النعامة.
• الطماع يبات ساري.
• أنصح الجاهل يعاديك.
• طحان تحتو طحان والكلو يبات فرحان.
• واحد يحلب وواحد يشد المحلب.
• اللي ما تقدر تردو عدو.
• كل زير يلقى غطاه.
• الربيع ربع واللبن قراص واللي عنده صبية يعطيها لتراس.
• شعيرك ولا قمح الناس.
• عشا البخيلة لا ماء لا منديلة.
• فتحوها الفيران، طاحوا فيها الثيران.
• واحد يزيد الماء، والآخر يزيد الدقيق.
• بقر الله في زرع الله.
• بهيم الشركة يموت مدبار.
• رخص الحرير حتى مسحوا به الطناجر.
• تغطي في عين الشمس بالغربال.
• فارعني كي نكبر وما تبكيش عليا كي نموت.
• شافوني ساكت، حسبوني نية، راني مسكر فمي موش عينيا.
• وقت الصيادة مشى السلوقي يخرى.
• جاي يحبي من تحت الي يمرد.
• عز نفسك تصيبها, النفس نفسك وانت طبيبها.
• لا توصي يتيم على نواح.
• قالو انفخلي على عيني قالو ما عنديش هواء.
• صاحب التدبير، قبل ما يسرق صمعة يحفر ليها بير.
• الدار دار بونا والناس يعايرونا.
• خزرانك للمليح تسبيح.
• الطول والخسارة كي سلوم النصارى.
• أخسر وفارڨ وڨول ملا راحة.
• فالكم عند صغاركم.
• كراع البهيم عمرو ما يولي زكرة.
• اللي يبيعك بالفول، بيعو بالقشور.
• طامع في الكسرة من دار الشر.
• الصيف ضيف.
• شاف قمح الناس بزع شعيرو.
• بعد ما شاب هزوه للكتاب.
• دار الخلاء تبيع اللفت.
• ولدك على ما تربيه وراجلك على ما تسنسو.
• على عينين حماتي.
• لا ينفع في البالي ترقيع ولا في صاحب السوء عزاره.
• بين اللقمة والفم يا حاكم إلى حكم.
• الزمان تعكس الورد تقلع والبصل تغرس.
• يحكي في همو لراجل أمو.
• دار بلا زميم كما اللي راكب على بهيم.
• رد بالك من السكبان يحرش القطوس ويبكي مع الفيران.
• تغيب السكرة وتحضر المداينية.
• جمل ضحك ضحكة فمو تشرق.
• شهوة الصبية بالالوف مشرية.
• على ريحة الريحة قطّعنا خدودنا شريحة.
• صارت غريبة لا عمرها صارت الخيل عقبت والبهايم غارت.
• الخلطة بلطة والجرب يعدي.
• اللسان الزين مدفوع في الدين.
• يعطي الفول للي ما عندوش ضروس.
• خيرنا ماشي الغيرنا.
• لا تحسبوا الرقص طربا فالطير يرقص مذبوحا من الألم.
• داخلين كبه، خارجين قيام.
• يعطيني شرقه بريقي نعرف من حبيبي من صديقي.
• ريين خير من راي.
• اذا صاحبك عسل ما تلحسوش الكل.
• شوية مالحنة وشوية من رطابة ليدين.
• حوت يأكل حوت وقليل الجهد يموت.
• عقرب لا تقرب.
• يا حافر حفرة السو يا طايح فيها.
• البلدي بلدي ولو كان زيت ودردي.
• حليل اللي ماتت أمه ،ڤبر يغمه.
• اللي يتبع الحمام الجالي يروح للمغاغر.
• كب البرمه على فمها، كل بنيه تطلع لامها.
• الدفا عفا ولو بعز الصيف.
• سعود موش تعرية زنود.
• يوفى مال الجدين وتقعد صنعة اليدين.
• طحان وفي يده سبحة.
• شعل النار وقول الدخان منين.
• حط كوزك في الحدرة وقول تبزع.
• النفس نفسك وانت طبيبها وين تحطها وين تصيبها.
• يا مريضة أعطيني قريضة.
• المال يخلف لهبال.
• كي الزيت فوق الماء.
• لقى مدينة خالية، قام فيها الآذان.
• شاشية هذا على رأس هذا.
• يجرح ويداوي.
• بعد الحسوم بأربعين يوم نحي كساك وعوم.
• رد بالك من الرهدان الوجه وجه الرحمة والقلب قلب الفحمة.
• لا تفكر في المفقود حتى لا تفقد الموجود.
• حانوت مسكر ولا كرية مشومة.
• برد الصيف أحد من السيف.
• يحكي في حكاية الريح للبريمة.
• كنت بالهم القديم راضي، جاني الجديد زاد أمراضي.
• بالوحش مات الجحش.
• شتاتك في ربيعها ووزرتك ما تبيعها.
• تعشى وتمشى.
• عاش شاهي بلحه مات علقولو عرجون.
• حديثك مع اللي ما يفهمكش ينقص في الاعمار.
• اليد ما تقاومش الملزمة.
• الفقر ضارب اطنابو.
• شاقي ولا محتاج.
• لقاها تبكي من هم الرجال قلها أسكتي تو ناخذك.
• يا وعد الله والزمان عكس الورد تقلع والبصل تغرس.
• سيب الحمام واجري وراه.
• يبيع القرد ويضحك على شاريه.
• تتخبى تحت جناح الذبانة ولا توفى في الجبانة.
• شكون يقول للصيد فمك أبخر.

المراجع: 1 | 2

اقرأ أيضًا:
- حكم وأمثال شعبية يمنية.
- حكم وأمثال شعبية جزائرية.
- حكم وأمثال شعبية سعودية.

مقالات مقترحة

أحدث المواضيع

• أبيات شعر قصيرة عن الوطن
• تفسير رؤية الرمل في المنام
• تفسير رؤية المفتاح في المنام
• تفسير رؤية الغبار في المنام
• تفسير رؤية القفل في المنام
• تفسير رؤية التراب في المنام
• تفسير رؤية الكيس في المنام
• شعر رثاء الأخ
• شعر رثاء صديق
• لعمرك ليس فوق الأرض باق – ناصيف اليازجي

المواضيع الشائعة

• 

  تفسير رؤية القطط في المنام لابن سيرين
• 

  تفسير رؤية الطائرة في المنام
• 

  تفسير رؤية الملابس في المنام – ابن سيرين
• 

  أجمل أبيات شعر عن الأخ
• 

  أجمل أشعار الغزل البدوي
• 

  بعد البحث الطويل – العثور على أطلانطس في دولة عربية
• 

  مجموعة رائعة من نوادر وطرائف البخلاء
• 

  أجمل ما قيل عن الثقة
• 

  تفسير حلم رؤية الزواج في المنام
• 

  معلقة عبيد بن الأبرص

جميع الحقوق محفوظة لــ رف المعلومات 2017 ©كن مدون