امثال شعبية حلبية

 أمثال حلبية عن الطبخ والمأكولات

الثلاثاء 17 نيسان 2007

* لو كنت بدي آكل من كيسي ، ما كنت سمّيتك عريسي .  * العرق ما أبيضو بالكاس وما أسودو بالراس .  * اللي بدو ياكل عسل بيصبر على لدغ النحل .  * تغدّاه قبل ما يتعشاك .  * ألف عصفور ما بيعبو طنجرة .  * قعدني بالمطبخ سنين ولا تسمعني عنين .  * اللي تعود على خبزك ، كل ما شافك بيتلمض .  * الطواية عيّرت المقلاية ، قالت لها تنيناتنا بالمطبخ سوا .  * خود من الفجل الورق ومن اللحم المرق ومن الحمّام العرق .  * افراح يا كرشي ، جاري طبخ محشي .

* افطار وبطار لو ضحكتين ، واتغدى واتمدى ولو دقيقتين ، وتعشى وتمشى ولو خطوتين .  * ما بيقرقع في الدست غير العظام .  * القصاب ما لو صاحب .  * كلامو متل الفستق الفاضي ، إلو طقّة ومالو معنى .  * يللي عندو بهار برش ع المخلوطة .  * الكباب تيعرق والمعلاق تيحرق .  * بشوف المعلاق وبقول سبحان الخلاق .  * فلان معلاقو سميك .  * الملح سكر الطعمات .  * صار ملح وداب .  * موت شبعان ولا تموت جوعان .  * اليبرق ما أصعب لفو ، وما أطيب سفو .

* الطبخ مو شطارة ، الطبخ بدو نطارة .  * كول ما تشتهي نفسك ، والبس ما يليق بالناس .  * متل البانجان يصير محشي ومقلي وأبو غنوج .  * بعد العرس ما في زرده .  * اللي بياكل على ضرسو بينفع نفسو .  * البيشتغل بأكلو يا سعادة أهلو .  * أكلة وانحسبت عليك ، كول وبحلق عينيك .  * قال ضعيف وأكل 100 رغيف .  * بعد ما أكل وانتكا ، قال يا مرة طعامك مالو زكا .  * دخانك عمانا وأكلك ما إجانا .  * فلان بياكل متل الغول .

* يا ما طبخوا وما أكلوا ويا عمّروا وما سكنوا .  * عطي خبزك للخباز ولو أكلو نصو .  * الله يرزقنا الطحين تنسمعكن طق العجين .  * اللي بكبِّر لقمتو ، بيغصّ فيها .  * هادا عضم سمك ما ينبلع .  * الله بطعمي نجاص للمالو ضراس .  * ما احتمل ولا غلوة .  * خبزتو بلا إيدام وبيعزم الجيران .  * طعمي التم بتستحي العين .  * وجّْ عليه لحسة لبن .  * سألوا الجوعان 2×2 شقدْ ؟ قال لن : أربعة أرغفة .  * أرخص من الفجل .  * الله يقرف عمر اللي بيستطعموا ، حتى يخصوا من قليلن الطعمة .  * إستطعمْ بقا وذوق .  * ما وقع السكر بالمي .  * عجو مر ما بينفع ولا بيضر .  * يا جارة اسكبيلي قالت لها : بكفوفي أو بصحونك اللي على رفوفي ؟  * لا تمشي مع الدناقين بتنعدى منهم .  * إن كتروا الطباخين انحرقت الطبخة .  * شم ولا تدوق .  * على الريحة ..  ريم السيد

إلى فئة مجتمع

إلى موقع حلب

إلى موقع eSyria