حرف الواو :
ــ واحد يحلف وواحد ستغفر :
يضرب هالمثل للحرامية اللي يتعاونون على تحمل الأثم .. تلقى واحد يحلف .. وهو يعرف أنه كذاب . والثاني يستغفر ...لعل الله ما يعاقب رفيقه .
ــ واحد يشـعـب وواحد يطنقر :
يشعب : يضرب البعير بالمشعاب علشان يمشي بسرعة .. يطنقر : صاحب الجمل اذا أراد البعير أن يتوقف أو ( ينوخ ) يصدر صوتا لكي يقف البعير .
ــ وادٍ جرى لابد يجري من الحيا :
هذا شطر من بيت للخلاوي شاعر الحكمة ... وتكملة البيت :
وان ما جرى عامه جرى عام عايد ....
في هالزمان صاروا الناس ما يهتمون بمجاري السيل ويسوون لهم مزارع وبيوت في مجاري السيل ... لأن السيل ماجرى معها من زمان .. وهالمثل تحذير لمن يبني بيته أو مزرعته وسط مجرى السيل لأن السيل بيجيبه الله وياخذ حقه .
ــ واســطة خير :
اللي يتوسط بين الناس في أمور فيها مصلحة وخير للطرفين بدون ما يضر أحد .
ــ وبــنــه ما ينتدير :
الوبنه : هي العقدة اللي تجي في الخشبة أو غصن الشجرة .. وما فيها حيله ماتنتصلح....
ــ وتـد جحــه :
جحه : جحا .... ومقله المثل المشهور : مسمار جحا ... ويقال : إن جحا تراه الصدقي باع بيته واشترط وتد في وسط البيت ما يبيعه أبد .... وقبل المشتري .. وصار جحا كل يوم يجي يناظر الوتد والا يحط عليه شي أو اذا لقاهم حاطين عليه شي هاوشهم ... ملوا من تردده كل يوم وطلبوا شراء الوتد إلا أن صار حي قلبه وطلب مبلغ كبير جدا ...
يضرب المثل : للتعلق بالسبب الضعيف .
ــ وجـه ابن فهره :
ابن فهره اسم رجال .... يقولون أنه ما يعرف شي اسمه الحياء ....
يضرب المثل : للي ما يستحي أبد .. وخاصة اذا أخطأ ...
ــ وجــه أقشــر :
اذا صار الواحد حماق وسيء الخلق شرس التعامل مع الناس ...
ــ الوجـه فـتر :
الفتر :المسافة بين إبهام اليد والسبابة . وتجي عند الرجال البالغ 15 سم تقريبا ....والمقصود أن مساحة الوجه صغيرة ما فيها مجال لتغطية الطبع الردي ...
ــ وجه ودر :
ــ وجه كسيف :
وصف للرجال سيء الخلق اللي ما فيه نفع أبد
ــ وجه كلــح :
كلح : كالح أشهب .. الايمان والطاعة تتسبب في نور الوجه والمعصية عكس ذلك .
ــ وجه مبارك :
يضرب لقليل الأذى .أو تفاؤلا بالقادم اللي ما تعرفه ..ز
ــ الوجه من الوجه أبيض :
بعد ما يسدد الواحد كل التزاماته لشخص آخر يقول خلاص ترانا أنتهينا ....
ــ الوحدة خير من جليس السوء :
الوحدة المقصود أنك تجلس لحالك ما معك أحد أحسن من أنك تجلس مع واحد سيء .
ــ وداعــة الله :
عند موادعة المسافر يقولون هالعبارة للدلالة على التوكل على الله والتصبر عند فراق الحبيب .
ــ وراه ....؟ .... كراه :
وراه سؤال ليه سويت كذا ..... كراه : سويته غصب علي .
ــ وسـع المقطع يجيك العود :
هذا من أمثال اللي يقطعون الشجر .. اذا وسعت المكان اللي تقطع فيه وتضرب فيه بالفأس ترى الشجرة تطيح بسرعة .
ــ وش العصفور ومرقته :
لأنه صغير ولا تجي فيه مرقة واجد .
ــ وش أنت يابعوضة :
للتحقير والاستهانه .
ــ وش علم البقر رقـي الطوايا :
الطوايا : جمع طاية وهي سطح المنزل . لأن البقرة رفلا ما تقدر ترقى الدرج ...
يضرب المثل : لمن يحاول عمل شيء وهو لايستطيع .
ــ وش كاره منه ؟ :
يضرب المثل لمن تدخل في أمر لا علاقة له به.
ــ وش لون ؟ تـمر ولون :
مثل من بيئة الفلاح ...... النخلة أو ما تثمر : يسمى : بسر .. وبعد ما يكبر ويتغير لونها إلى الأحمر أو الأصفر : تسمى لون .... وبعد ما تستوي يسمى : رطب .
يضرب المثل للأمر المختلط ....
ــ وش هالطويرات بداركم :
يقولون عايش في مزرعة مع أهله وعندهم دجاج في بيتهم ..... وسافر عنهم وأبطأ في المدينة وتمدن .... ويوم جاء لأهله وشاف الدجاج .. سألهم وش هالطيور عندكم .....
يضرب المثل لمن ينكر شيء هو يعرفه .
ــ وش يلقى البــس في دكان الحداد :
البس : القطو ... ودكان الحداد مافيه شيء ياكله القطو .... يضرب المثل : لمن يبحث عن في غير مكانه .
ــ وصلت إلى خير :
يقال للرجل اللي ينشد واحد عن شيء عنده ....
ــ وصل ولا قصر :
ــ وعد الحر دين :
ــ الوعد عهــد :
اذا وعدت أحد فلازم توفي بوعدك لأنه يشبه الدين اللي عليك .
ــ وقعة خاطوف :
الخاطوف : طير سريع الحركة ... حتى أنه اذا جاء يشرب يمر الماء ويشرب وهو طاير .ما يوقع.
يضرب لما ينتهي سريعا .
ــ وقف الباب على صــايره :
صاير الباب : الموضع اللي خلف الباب أو ماينتهي إليه الباب اذا فتح ...
ويضرب المثل : في الأمر اللي وصل إلى نهايته .
ــ وقـف شــعره :
من الخوف .. ياقف شعر الواحد ...
ــ ولا الضالين.. آمين :
يقال هالمثل لدلالة على سرعة انقضاء الشيء .
ــ ولد النعامة يباريها ولا يذوقها :
يضرب للشخص اللي قريب من صاحب مال بس ما يعطيه شي .... والنعامة نقول العرب أنها تشبه البعير في بعض صفاتها إلا أن لها ريش وتبيض فلذلك صارت من الطيور ... والمقصد أن ولد الناقة يرضع من أمه أما ولد النعامة فأمه ماترضعه .
ــ ولد بـــّــر :
اذا طلعتوا للبر وصار معك واحد نشمي بنفع ويخدم ربعه ويعرف البر ...
ــ ولد بطني يعرف رطني :
أقاربك تعرف وشلون تتعامل معهم .
ــ الولد رخيص ببشارته :
يضرب المثل في الشي النافع مهما دفعت فيه من مال الا أنك مستفيد ...
ــ ولد مــره :
اذا لقيت شاب ناعم ( رخو ) ما يتحمل شي وما يصبر على العمل الشاق يوصف بهذا الوصف ، والمقصد أن من تولى أمر تربية امرأة وليس رجلا ...
ــ وليد البارح :
يقال في التهكم بمن أراد تصغير سنه ...
ــ وهقني ومصــق :
وهقني : غرني . مصق : هرب وانحاش ...
ــ وين الدنيا .. وين أهلا :
اذا جاء شايب يسولف عن سنين راحت ....
ــ وين ما أمسى أرسى :
يضرب للرجل اللي يسافر دايم ويعيش بأي مكان .
==
>>>> وين الملايين ؟
أه بس
ــ واحد يحلف وواحد ستغفر :
يضرب هالمثل للحرامية اللي يتعاونون على تحمل الأثم .. تلقى واحد يحلف .. وهو يعرف أنه كذاب . والثاني يستغفر ...لعل الله ما يعاقب رفيقه .
ــ واحد يشـعـب وواحد يطنقر :
يشعب : يضرب البعير بالمشعاب علشان يمشي بسرعة .. يطنقر : صاحب الجمل اذا أراد البعير أن يتوقف أو ( ينوخ ) يصدر صوتا لكي يقف البعير .
ــ وادٍ جرى لابد يجري من الحيا :
هذا شطر من بيت للخلاوي شاعر الحكمة ... وتكملة البيت :
وان ما جرى عامه جرى عام عايد ....
في هالزمان صاروا الناس ما يهتمون بمجاري السيل ويسوون لهم مزارع وبيوت في مجاري السيل ... لأن السيل ماجرى معها من زمان .. وهالمثل تحذير لمن يبني بيته أو مزرعته وسط مجرى السيل لأن السيل بيجيبه الله وياخذ حقه .
ــ واســطة خير :
اللي يتوسط بين الناس في أمور فيها مصلحة وخير للطرفين بدون ما يضر أحد .
ــ وبــنــه ما ينتدير :
الوبنه : هي العقدة اللي تجي في الخشبة أو غصن الشجرة .. وما فيها حيله ماتنتصلح....
ــ وتـد جحــه :
جحه : جحا .... ومقله المثل المشهور : مسمار جحا ... ويقال : إن جحا تراه الصدقي باع بيته واشترط وتد في وسط البيت ما يبيعه أبد .... وقبل المشتري .. وصار جحا كل يوم يجي يناظر الوتد والا يحط عليه شي أو اذا لقاهم حاطين عليه شي هاوشهم ... ملوا من تردده كل يوم وطلبوا شراء الوتد إلا أن صار حي قلبه وطلب مبلغ كبير جدا ...
يضرب المثل : للتعلق بالسبب الضعيف .
ــ وجـه ابن فهره :
ابن فهره اسم رجال .... يقولون أنه ما يعرف شي اسمه الحياء ....
يضرب المثل : للي ما يستحي أبد .. وخاصة اذا أخطأ ...
ــ وجــه أقشــر :
اذا صار الواحد حماق وسيء الخلق شرس التعامل مع الناس ...
ــ الوجـه فـتر :
الفتر :المسافة بين إبهام اليد والسبابة . وتجي عند الرجال البالغ 15 سم تقريبا ....والمقصود أن مساحة الوجه صغيرة ما فيها مجال لتغطية الطبع الردي ...
ــ وجه ودر :
ــ وجه كسيف :
وصف للرجال سيء الخلق اللي ما فيه نفع أبد
ــ وجه كلــح :
كلح : كالح أشهب .. الايمان والطاعة تتسبب في نور الوجه والمعصية عكس ذلك .
ــ وجه مبارك :
يضرب لقليل الأذى .أو تفاؤلا بالقادم اللي ما تعرفه ..ز
ــ الوجه من الوجه أبيض :
بعد ما يسدد الواحد كل التزاماته لشخص آخر يقول خلاص ترانا أنتهينا ....
ــ الوحدة خير من جليس السوء :
الوحدة المقصود أنك تجلس لحالك ما معك أحد أحسن من أنك تجلس مع واحد سيء .
ــ وداعــة الله :
عند موادعة المسافر يقولون هالعبارة للدلالة على التوكل على الله والتصبر عند فراق الحبيب .
ــ وراه ....؟ .... كراه :
وراه سؤال ليه سويت كذا ..... كراه : سويته غصب علي .
ــ وسـع المقطع يجيك العود :
هذا من أمثال اللي يقطعون الشجر .. اذا وسعت المكان اللي تقطع فيه وتضرب فيه بالفأس ترى الشجرة تطيح بسرعة .
ــ وش العصفور ومرقته :
لأنه صغير ولا تجي فيه مرقة واجد .
ــ وش أنت يابعوضة :
للتحقير والاستهانه .
ــ وش علم البقر رقـي الطوايا :
الطوايا : جمع طاية وهي سطح المنزل . لأن البقرة رفلا ما تقدر ترقى الدرج ...
يضرب المثل : لمن يحاول عمل شيء وهو لايستطيع .
ــ وش كاره منه ؟ :
يضرب المثل لمن تدخل في أمر لا علاقة له به.
ــ وش لون ؟ تـمر ولون :
مثل من بيئة الفلاح ...... النخلة أو ما تثمر : يسمى : بسر .. وبعد ما يكبر ويتغير لونها إلى الأحمر أو الأصفر : تسمى لون .... وبعد ما تستوي يسمى : رطب .
يضرب المثل للأمر المختلط ....
ــ وش هالطويرات بداركم :
يقولون عايش في مزرعة مع أهله وعندهم دجاج في بيتهم ..... وسافر عنهم وأبطأ في المدينة وتمدن .... ويوم جاء لأهله وشاف الدجاج .. سألهم وش هالطيور عندكم .....
يضرب المثل لمن ينكر شيء هو يعرفه .
ــ وش يلقى البــس في دكان الحداد :
البس : القطو ... ودكان الحداد مافيه شيء ياكله القطو .... يضرب المثل : لمن يبحث عن في غير مكانه .
ــ وصلت إلى خير :
يقال للرجل اللي ينشد واحد عن شيء عنده ....
ــ وصل ولا قصر :
ــ وعد الحر دين :
ــ الوعد عهــد :
اذا وعدت أحد فلازم توفي بوعدك لأنه يشبه الدين اللي عليك .
ــ وقعة خاطوف :
الخاطوف : طير سريع الحركة ... حتى أنه اذا جاء يشرب يمر الماء ويشرب وهو طاير .ما يوقع.
يضرب لما ينتهي سريعا .
ــ وقف الباب على صــايره :
صاير الباب : الموضع اللي خلف الباب أو ماينتهي إليه الباب اذا فتح ...
ويضرب المثل : في الأمر اللي وصل إلى نهايته .
ــ وقـف شــعره :
من الخوف .. ياقف شعر الواحد ...
ــ ولا الضالين.. آمين :
يقال هالمثل لدلالة على سرعة انقضاء الشيء .
ــ ولد النعامة يباريها ولا يذوقها :
يضرب للشخص اللي قريب من صاحب مال بس ما يعطيه شي .... والنعامة نقول العرب أنها تشبه البعير في بعض صفاتها إلا أن لها ريش وتبيض فلذلك صارت من الطيور ... والمقصد أن ولد الناقة يرضع من أمه أما ولد النعامة فأمه ماترضعه .
ــ ولد بـــّــر :
اذا طلعتوا للبر وصار معك واحد نشمي بنفع ويخدم ربعه ويعرف البر ...
ــ ولد بطني يعرف رطني :
أقاربك تعرف وشلون تتعامل معهم .
ــ الولد رخيص ببشارته :
يضرب المثل في الشي النافع مهما دفعت فيه من مال الا أنك مستفيد ...
ــ ولد مــره :
اذا لقيت شاب ناعم ( رخو ) ما يتحمل شي وما يصبر على العمل الشاق يوصف بهذا الوصف ، والمقصد أن من تولى أمر تربية امرأة وليس رجلا ...
ــ وليد البارح :
يقال في التهكم بمن أراد تصغير سنه ...
ــ وهقني ومصــق :
وهقني : غرني . مصق : هرب وانحاش ...
ــ وين الدنيا .. وين أهلا :
اذا جاء شايب يسولف عن سنين راحت ....
ــ وين ما أمسى أرسى :
يضرب للرجل اللي يسافر دايم ويعيش بأي مكان .
==
>>>> وين الملايين ؟
أه بس
ليست هناك تعليقات:
إرسال تعليق